خصوصی چینی مندوب کا دورہ شمالی کوریا
بیجنگ، 15نومبر (ایس او نیوز؍آئی این ایس انڈیا)چین کی جانب سے ایک اعلیٰ سطحی مندوب شمالی کوریا بھیجا جا رہا ہے۔ بتایا گیا ہے کہ حکمران کمیونسٹ پارٹی کے بین الاقوامی تعلقات کے شعبے کے سربراہ سونگ تاؤ جمعے کے روز شمالی کوریا پہنچیں گے۔ پیونگ یانگ کے جوہری پروگرام کے تناظر میں دونوں ممالک کے درمیان تعلقات میں کسی حد تک کشیدگی پائی جاتی ہے۔ سونگ تاؤ یہ دورہ ایک ایسے موقع پر کر رہے ہیں، جب چند روز قبل امریکی صدر ڈونلڈ ٹرمپ نے اپنے دورہ چین میں بیجنگ حکومت سے اپیل کی تھی کہ وہ شمالی کوریا کے جوہری پروگرام کے خاتمے کے لیے زیادہ موثر کردار ادا کرے۔ اکتوبر 2015 کے بعد یہ پہلا موقع ہے کہ کوئی اعلیٰ چینی حکومتی شخصیت شمالی کوریا جا رہی ہے۔