گجرات کانگریس میں بھونچال، ایک دن میں تین ممبرانِ اسمبلی نے دیا استعفیٰ
نئی دہلی27جولائی(ایس او نیوز/آئی این ایس انڈیا) بہارمیں سیاسی اتھل پتھل کے بعد اب گجرات سے بھی بڑی خبرآئی ہے۔ایک دن میں گجرات کانگریس کے تین ممبران اسمبلی نے استعفیٰ دے دیاہے۔استعفیٰ دینے والے ممبران اسمبلی میں پی ای پٹیل، بلوتسہ چھترسہ راجپوت اور تیجسوی بین پٹیل کانام شامل ہے۔پی ای پٹیل نے نہ صرف استعفیٰ دیاہے بلکہ بی جے پی کادامن بھی تھام لیاہے۔آپ کوبتا دیں کہ گجرات کی تین راجیہ سبھا سیٹوں پر انتخابات ہونے ہیں۔ان میں کانگریس کے سینئر لیڈر احمد پٹیل کی سیٹ بھی ہے۔احمدپٹیل کوراجیہ سبھاپہنچنے کے لیے 46ووٹوں کی ضرورت ہے۔کانگریس کے پاس گجرات میں 56اراکین اسمبلی ہیں۔ تین ممبران اسمبلی کے استعفیٰ کے بعدیہ نمبرگھٹ کر 53ہوگیاہے۔کانگریس چھوڑ چکے شکرسہ واگھیلا، ان کے بیٹے اور راگھو سنگھ پٹیل نے استعفیٰ نہیں دیاہے۔شنکر سنگھ واگھیلاکے ساتھ ابھی تک 10اوراراکین اسمبلی بھی ملاقات کرچکے ہیں۔یہ 10ممبران اسمبلی احمدپٹیل کے ساتھ پرچہ نامزدگی داخل کرنے کے وقت بھی موجود نہیں تھے۔ایسے میں اگر واگھیلا اور ان گروپ کے ممبر اسمبلی کانگریس کے خلاف ووٹ کرتے ہیں تو احمد پٹیل کے راجیہ سبھا جانے کے خواب پر بریک لگ سکتی ہے۔