سعودی عرب: دہشت گردی میں ملوث77 ملزمان گرفتار;زیرحراست مشتبہ شدت پسندوں کا تعلق نو مختلف ملکوں سے ہے

Source: S.O. News Service | Published on 6th April 2017, 5:10 PM | خلیجی خبریں |

ریاض،6اپریل(ایس او نیوز/آئی این ایس انڈیا)سعودی عرب میں قانون نافذ کرنے والے اداروں کی طرف سے جاری کردہ بیان میں کہا گیا ہے کہ فورسز نے ماہ جمادی الاخر میں دہشت گردی میں ملوث مقامی باشندوں سمیت مجموعی طور پر 77 افراد کو حراست میں لیا ہے۔گرفتار افراد میں ایک کی شہریت کی شناخت نہیں ہوسکی۔ 53 کا تعلق سعودی عرب ہی سے ہے جب کہ باقی 24 مختلف ملکوں سے تعلق رکھتے ہیں۔سعودی پولیس کیمطابق گرفتار مشتبہ دہشت گردوں میں 16 کا تعلق ترکی سے ہے۔ اس کیعلاوہ دو شامی شہری جب کہ بنگلہ دیش، مصر، بھارت، نائجیریا، نیپال اور کویت سے تعلق رکھنے والا ایک ایک شخص شامل ہے۔سعودی عرب میں دہشت گردی کی فہرست میں تین ترک باشندوں کا نام شامل ہے۔ وہ گذشتہ برس مملکت میں داخل ہوئے۔ ان میں سے ایک سے تفتیش جاری ہے۔
 

ایک نظر اس پر بھی

یمن : حوثیوں کے لیے کام کرنے والے ایرانی جاسوس عرب اتحاد کے نشانے پر

یمن میں آئینی حکومت کو سپورٹ کرنے والے عرب اتحاد کے لڑاکا طیاروں نے تعز شہر کے مشرقی حصّے میں جاسوسی کے ایک مرکز کو نشانہ بنایا۔ اس مرکز میں ایرانی ماہرین بھی موجود ہوتے ہیں جو باغی حوثی ملیشیا کے لیے کام کرتے ہیں۔

شاہ سلمان اور صدر السیسی کے درمیان ٹیلیفونک رابطہ

سعودی عرب کے فرمانروا خادم الحرمین الشریفین شاہ سلمان بن عبدالعزیز آل سعود اور مصری صدر عبدالفتاح السیسی کے درمیان ٹیلیفون پر رابطہ ہوا ہے۔ اس موقع پر شاہ سلمان نے مصر کی سلامتی اور استحکام کی خواہش کا اظہار کیا ہے۔