نئی دہلی،25جولائیایس او نیوز/آئی این ایس انڈیا): آل انڈیا یونانی طبّی کانگریس کے ایک وفد نے پروفیسر مشتاق احمد کی قیادت میں اسپیشل سکریٹری وزارت آیوش، حکومت ہند سے مل کر طب یونانی کی مجموعی صورت حال سے آگاہ کیا۔ وفد میں شامل آل انڈیا یونانی طبّی کانگریس کے اعزازی سکریٹری جنرل ڈاکٹر سیّد احمد خاں نے جاری بیان میں بتایا کہ ویدیہ راجیش کوٹیچا (اسپیشل سکریٹری وزارتِ آیوش، حکومت ہند) نے بڑی سنجیدگی سے ہمارے مطالبات کو سنا اور ہر ممکن تعاون کی یقین دہانی کرائی۔ پروفیسر مشتاق احمد اس ملاقات پر خوشی کا اظہار کرتے ہوئے پُر اُمید نظر آئے۔ انہوں نے کہا کہ ملک میں طب یونانی کے فروغ سے نہ صرف عوام الناس کی خدمت ہورہی ہے بلکہ کمزور و متوسط طبقہ کو روزگار فراہم کرنے کا بہترین ذریعہ بھی ہے۔