حیدرآباد:14/نومبر(ایس او نیوز/آئی این ایس انڈیا)مولاناآزادنیشنل اردویونیورسٹی کے اردومرکز برائے فروغ علوم اوراسکول برائے فنون و سماجی علوم کے اشتراک سے دوسری دوروزہ قومی اردو سماجی علوم کانگریس کا کل (15؍ نومبر) 9:30 بجے لائبریری آڈیٹوریم میں افتتاح عمل میں آئے گا۔ کانگریس کا موضوع ’’سماجی علوم میں ابھرتے رجحانات‘‘ ہے۔ پروفیسر شاہدہ ، کنوینر کے بموجب افتتاحی اجلاس میں پروفیسر ایس اے آر بلگرامی، جامعہ ملیہ اسلامیہ، دہلی ، مہمانِ خصوصی ہوں گے۔ پروفیسر مہتاب منظر اور پروفیسر نشاط قیصراظہار خیال کریں گے۔ ڈاکٹر محمد اسلم پرویز، وائس چانسلر صدارت کریں گے۔ پروفیسر شکیل احمد، پرو وائس چانسلر خطبۂ استقبالیہ دیں گے۔کانگریس میں شرکت کر رہے ہیں۔ پروفیسر رحمت اللہ، صدر نشین انتظامیہ کمیٹی کے بموجب اس کانگریس کامقصداُردوجاننے والے سماجی علوم کے اسکالرز، اساتذہ اور ریسرچ اسکالرز کو ایک پلیٹ فارم پر لانا ہے تاکہ وہ اردو میں سماجی علوم کی درس و تدریس اور تحقیق سے متعلق درپیش مسائل اور چیلنجز سے روبہ رو ہوسکیں اور سماجی معاملات کی تفہیم کے لیے اردو کو ایک مؤثر ذریعہ تعلیم و تعلم بنانے کے ذرائع اور مواقع دریافت کیے جاسکیں۔ ڈاکٹر عابد معز، شریک کنوینر نے سماجی علوم میں دلچسپی رکھنے والے افراد سے شرکت کی درخواست کی ہے۔ دور روزہ کانگریس میں جملہ 16 سیشن ہوں گے جن میں سماجی علوم کے مختلف شعبوں کے تکنیکی اجلاس شامل ہیں