بھٹکل عثمان نگر فرسٹ کراس کی سڑک درستی کا مطالبہ : ایس ڈی پی آئی نے سونپا میمورنڈم
بھٹکل:6/اگست(ایس اؤ نیوز) بلدیہ حدود کے عثمان نگر آشریہ کالونی فسٹ کراس کی سڑک پوری طرح خراب ہوکر کسی قابل نہیں ہونے پر ایس ڈی پی آئی بھٹکل شاخ کی طرف سے بلدیہ انتظامیہ بھٹکل کو میمورنڈم سونپتے ہوئے درستی کا مطالبہ کیا۔
میمورنڈم میں کہا گیا ہے کہ سڑک کی تارکول غائب ہوگئی ہے، جہاں تہاں نظر آنے والے گڑھوں وجہ سے بائک، آٹورکشا اور اسکولی بسوں کا گزرنا محال ہوتا جارہاہے اور حادثات میں بھی اضافہ ہورہاہے۔ اس کے علاوہ اس چھوٹی سی سڑک پر یوجی ڈی رکنکشن کا میان ہول سڑک سے 2فٹ اونچا ہونے مسئلہ اور پیچیدہ ہوگیا ہے۔ سڑک پر تارکول بچھانے کے لئے مقامی عوام کی طرف سے کئی مرتبہ متعلقہ افسران ،عوامی نمائندوں کو عرضیاں سونپنے کے باوجود نہ کوئی نظر دوڑارہاہے اور نہ توجہ دینے کو تیار ہے ۔ سڑک کی لمبائی قریب 100میٹر ہے تو کنکشن والی سڑک کی لمبائی 50میٹرہے۔ ان دونوں سڑکوں کی مرمت کے لئے فوری اقدام اٹھانے کی میمورنڈم میں مانگ کی گئی ہے۔ بلدیہ ممبر عبدالرحیم، ایس ڈی پی آئی کے مقامی صدر وسیم منیگار، جاوید خان، سفیان، عظیم ، عاکف گوائی ، یوسف ملاوغیرہ موجود تھے۔