بنگلورو،19؍نومبر (ایس او نیوز؍ پریس ریلیز) سوشیل ڈیموکریٹک پارٹی آف انڈیا ( SDPI)کرناٹک کی جانب سے بنگلور سی ایم اے گاڑڈن ہال وینکٹیش پورم میں منعقدپارٹی کنونشن اجلاس کا انعقاد کیا گیا۔ کنونشن کی صدارت بنگلور ضلعی صدر فیاض احمد نے کی ۔ اس موقع پر ایس ڈی پی آئی قومی نائب صدر محترمہ پروفیسر نازنین بیگم نے کرناٹک اسمبلی انتخابات 2018کے لیے ایس ڈی پی آئی امیدواروں کی پہلی فہرست کا اعلان کیا ۔ جس کے تحت میسو ر این آر اسمبلی حلقہ کے امیدوارکے طور پر پارٹی ریاستی جنرل سکریٹری عبدالمجید،سروگنا نگر اسمبلی حلقہ میں ریاستی صدر عبدالحنان ، چک پیٹ اسمبلی حلقہ میں مجاہد پاشاہ ( وارڈ نمبر 144کے ایس ڈی پی آئی کارپوریٹر و ہیلتھ چیئرمین ) ، ہبال اسمبلی حلقہ میں اڈوکیٹ محمد طاہر (کرناٹک ہائی کورٹ اڈوکیٹ)2018کے ریاستی اسمبلی انتخابات میں ایس ڈی پی آئی کے امیدوار ہونگے۔ اس موقع پر ایس ڈی پی آئی نائب صدر دیوانور پٹننجیا اور دیگر ضلعی و ریاستی عہدیداران سمیت سینکڑوں پارٹی کارکنان شریک رہے۔