صحافی آر جے ڈی قتل معاملہ:کورٹ نے شہاب الدین سمیت 7افراد پر الزام عائدکیا
مظفر پور ،13؍اکتوبر (ایس او نیوز؍آئی این ایس انڈیا)آر جے ڈی کے سابق ایم پی محمد شہا ب الدین کو ایک اور معاملہ میں جھٹکا لگا ہے۔صحافی رجدیورنجن قتل میں شہاب الدین سمیت سات لوگوں کیخلاف الزام طے ہوئے ہیں۔یہ الزام مظفرپور واقع سی بی آئی کی خصوصی کورٹ میں طے ہوا۔ شہاب الدین فی الحال دہلی کے تہاڑ جیل میں بند ہیں۔صحافی راجدیورنجن قتل میں سماعت کرتے ہوئے جمعہ کو سی بی آئی کی خصوصی کورٹ نے شہاب الدین سمیت سات لوگوں پر الزام عائد کیا۔دیگر چھ افراد میں وجے کمار گپتا ، روہت کمار سونی ،راجیش کمار ، وشو کمارجیسوال، سونو کمارگپتا اور اظہرالدین بیگ شامل ہیں۔سی بی آئی نے ان سبھی پر 22 اگست کو چارج شیٹ داخل کی تھی۔
