نوٹ بندی سے مالی ،جانی اوراقتصادی تباہی پربی جے پی سرکارجواب دے، جیوتی رادتیہ سندھیا نے کہا، مودی بتائیں، انہیں کس چوراہے پر سزادی جائے

Source: S.O. News Service | By Shahid Mukhtesar | Published on 9th September 2018, 9:11 PM | ملکی خبریں |

بھوپال،09؍ ستمبر (ایس او نیوز؍آئی این ایس انڈیا) مدھیہ پردیش کانگریس کی انتخابی مہم کمیٹی کے صدر جیوتی رادتیہ سندھیا نے نوٹ بندی کو لے کر وزیر اعظم نریندر مودی کی طرف سے کیے گئے اعلان پر طنز کستے ہوئے کہاکہ مودی بتائیں کہ ان کے اس جرم کے لیے ملک کے عوام انہیں کس چوراہے پرسزادے۔

بندیل کھنڈعلاقے کے دورے پر آئے سندھیا نے کہاکہ اس وقت ملک میں ایک ایسی حکومت ہے جس نے آمریت والے طریقوں میں سے ایک غیر جمہوری فیصلہ کرکے نوٹ بندی کا اعلان کر دیا، اس کے چلتے اس ملک کی معیشت کے انجن سے تیل ہی نکال لیاگیا۔نوٹ بندی کے لاگو ہونے کے بعد لوگوں کو اپنی ہی رقم حاصل کرنے کے لیے کئی ہفتوں تک لائن میں لگنا پڑا اور اس میں 125 لوگوں کی جان تک چلی گئی۔ جان گنوانے والوں کے لیے وزیر اعظم کے منہ سے تعزیت کے دو لفظ تک نہیں نکلے ۔

سندھیا نے کہاکہ وزیر اعظم مودی نے ملک سے50 دن کا وقت مانگتے ہوئے کہا تھا کہ اگر اس مدت میں حالات نہ سدھرے تو ملک کے عوام انہیں جو چاہے، جس چوراہے پر چاہے بلا کر سزا دے، اب مودی جی خود بتائیں کہ ملک کے عوام انہیں کس چوراہے پر سزا دے ۔نوٹ بندی کے وقت حکومت کی جانب سے کیے گئے دعووں کا ذکرکرتے ہوئے ممبر پارلیمنٹ نے کہاکہ وزیر اعظم کا دعویٰ تھا کہ تین لاکھ کروڑ سے زیادہ کی رقم واپس نہیں آئے گی، مگر 99 فی صدرقم بینکوں میں واپس آ چکی ہے، اس کے علاوہ بھارت کی کرنسی بھوٹان، نیپال وغیرہ ممالک میں چلتی ہے اور اس کی تفصیلات آنی ابھی باقی ہیں۔حکومت کے سارے دعوے فیل ہوئے ہیں۔غریب عوام کو ناحق تکلیف کا سامنا کرنا پڑا۔ماں بہنوں نے آڑے وقتوں میں کام آنے کے لیے جو پیسے رکھے تھے، انہیں مجبوراََوہ پیسے نکالنے پڑے۔

سندھیا نے کہاکہ نوٹ بندی میں بچوں کو اپنے گلک تک پھوڑنے پڑے،ہزاروں لوگ بے روزگار ہو گئے،اتنی تباہی کا انہیں آخر فائدہ کیا ملا؟ حکومت اب اس پر چپ ہے۔سندھیا نے مزید کہا کہ نوٹ بندی کے وقت کالا دھن، دہشت گردی اور جعلی نوٹ کا مسئلہ کا خاتمہ ہو جانے کا دعویٰ کیاگیاتھا، مگر ہوا کیا یہ بھی تو حکومت بتائے۔ کالا دھن کہاں گیا، دہشت گردی بند ہوا کیا؟ جعلی نوٹوں پر روک لگی کیا؟ اے ٹی ایم ہی جعلی نوٹ اگلنے لگی۔ایک جھٹکے میں86 فیصد کرنسی کو چلن سے باہر کر دینے کا فیصلہ ملک کے مفاد میں بالکل نہیں تھا۔یہ ملک کے ساتھ سراسر ناانصافی تھی اور ملک کے عوام کے ساتھ بہت بڑا دھوکہ تھا۔ملک میں حکومت اور اس کی پارٹی کے نظریات سے اختلاف جتانے والوں پر ہو رہے حملوں کے سوال پر سندھیا نے کہاکہ پہلے تو یہ گروپ صرف کانگریس پرہی حملہ کرتا تھا، مگر اب ہر قسم اس کے نشانے پر ہیں۔

انہوں نے کہاکہ ساتھی پارٹی چاہے شیوسینا ہو، ٹی ڈی پی ہو یا دیگر تمام جماعتوں کا اس ٹیم نے برا حال کررکھا ہے۔مصنف، ادیب اور اب تو صحافی بھی اس پارٹی کے ظلموں سے اچھوتے نہیں ہیں۔ملک میں اس وقت ایسی حکومت ہے، جو کسی بھی اختلاف سے اتفاق نہیں رکھتی۔مدھیہ پردیش میں ہونے والے اسمبلی انتخابات اور اتحاد کے امکانات کو لے کر اکثر پوچھے گئے سوال پر سندھیا نے کہاہے کہ اتحادنشستوں کی تعداد کی بنیاد پر نہیں، بلکہ نظریہ کی بنیاد پر ہوگا، جو بھی جماعت اپنے آپ ک و کانگریس کے نظریے کے قریب پاتی ہیں، ان تمام جماعتوں سے اتحاد کیا جائے گا۔ آئندہ انتخابات میں بی جے پی کی شکست طے ہے، ریاست کا ہر طبقہ اس حکومت سے پریشان ہے اور وہ ہر حال میں تبدیلی کے لیے تیارہے۔

ایک نظر اس پر بھی

چھتیس گڑھ کے لوگوں کی آنکھوں میں دھول جھونک رہی ہے کانگریس :مودی

کانگریس پر چھتیس گڑھ کے لوگوں کی آنکھوں میں دھول جھونکنے اور جھوٹے وعدے کرنے کا الزام لگاتے ہوئے وزیر اعظم نریندر مودی نے اتوار کو کہا کہ کانگریس کے ایک ہی خاندان کی چار نسلوں نے ملک پر حکومت کی، جس کا انہیں تو فائدہ ملا لیکن ملک کو کوئی فائدہ نہیں ہوا۔ چھتیس گڑھ کے مہاس منڈ میں ...

ٹکٹ کی تقسیم میں مذہب کی بنیاد پر کوئی کوٹہ سسٹم نہیں ہونا چاہئے، راجستھان میں ایک بھی مسلم کوٹکٹ نہیں دئے جانے کے سوال پرراجے وردھن راٹھورکاجواب

مرکزی وزیر راجے وردھن سنگھ راٹھور نے کہا کہ ٹکٹ کی تقسیم میں مذہب کی بنیاد پر کوئی کوٹہ سسٹم نہیں ہونا چاہئے۔راٹھور نے راجستھان میں سات دسمبر کو ہونے والے اسمبلی انتخابات کے لیے بی جے پی کی طرف سے ایک بھی مسلم امیدوار کو ٹکٹ نہیں دئے جانے کے سوال کا جواب دیتے ہوئے کہا کہ ٹکٹوں ...

امرتسربم دھماکہ: وزیراعلیٰ امریندر سنگھ کی ایمرجنسی میٹنگ، عوام سے امن کی اپیل، مہلوکین کو5-5 لا کھ معاوضہ کا اعلان

پنجاب کے امرتسرمیں نرنکاری سگاگم میں ہوئے گرینیڈ حملے کے بعد وزیراعلیٰ کیپٹن امریندرسنگھ نے چنڈی گڑھ  میں ایمرجنسی میٹنگ بلائی ہے۔ کیپٹن امریندرسنگھ اعلیٰ سطح کے سیکورٹی افسران کے ساتھ میٹنگ کررہے ہیں۔

چھتیس گڑھ میں سرکار بنی تو دس دن میں کسانوں کا قرضہ معاف ؛وجئے مالیا ‘ نیرو مودی اور انیل امبانی سے وصول کریں گے قرض کی رقم؛ راہل گاندھی کا اعلان

کانگریس صدر راہول گاندھی نے آج وعدہ کیا کہ چھتیس گڑھ میں کانگریس پارٹی کو اقتدار ملنے پر اندرون 10 یوم کسانوں کے زرعی قرض معاف کردئے جائیں گے اور انہوں نے کہا کہ قرض معافی کیلئے رقومات وجئے مالیا ‘ نیرو مودی اور انیل امبانی جیسے لوگوں سے آئیگی ۔

حج 2019: درخواست فارم کی تاریخ میں 25 روزکی توسیع، 12 دسمبرتک جمع کئے جاسکتے ہیں فارم

حج 2019 کے لئے درخواست فارم داخل کرنے کی آخری تاریخ میں توسیع کردی گئی ہے۔ اب 12 دسمبر تک حج فارم جمع کئے جاسکتے ہیں۔ مرکزی حج کمیٹی نے آج ممبئی کے حج ہاوس میں منعقدہ میٹنگ میں مزید 25 روز کے اضافے کا اعلان کیا ہے۔