مدارس کو جدید ٹیکنالوجی کی سہولیات فراہم کرائی جائے گی:نقوی
غازی آباد:26/اپریل (ایس او نیوز/آئی این ایس انڈیا) اقلیتی امور کے مرکزی وزیر مختار عباس نقوی نے کہا ہے کہ مسلمانوں کو معیاری اسکولی تعلیم فراہم کرنے کے لیے مرکزی حکومت ملک کے ایک لاکھ مدارس کو جدید ٹیکنالوجی کے ساتھ ترقی دے گی۔نقوی نے ہندی بھون میں تعلیم اور تربیت کے موضوع پر منعقد ایک پروگرام میں کہا کہ مرکزی حکومت نے اس سلسلے میں مالی مدد کی معلومات آن لائن دی ہے، تاکہ کوئی بچولیا اس کا غلط استعمال نہ کر سکے۔انہوں نے کہا کہ ایک لاکھ مدارس میں نئی ٹیکنالوجی لائی جائے گی، اس کے لیے 25ہزار مدارس کی نشاندہی کی گئی ہے، جن میں اساتد ہ، کھانا اور ٹوائلٹ کے ’تھری ٹی‘ کے فارمولے کو نافذ کیا جائے گا۔ان میں اتر پردیش کے 12ہزار مدارس شامل ہیں۔مرکزی وزیر نے کہا کہ اتر پردیش میں اگلے سال 100نوودیہ ودیالیہ کھولے جائیں گے، انہوں نے کہا کہ ریاستی حکومت ان اسکولوں کے لیے مین فراہم کرائے گی۔