مظفرپور،28؍اگست (ایس او نیوز؍آئی این ایس انڈیا)بہار میں لڑکیوں کے خلاف مسلسل جرائم بڑھتے جا رہے ہیں۔ابھی مظفر پور کے شیلٹر ہوم کی آگ ٹھنڈی نہیں ہوئی تھی کہ اب دوسرا وحشیانہ واقعہ سامنے آ گیا۔

نتیش کمار کے گڈ گورننس میں منچلوں کی ہمت اتنی بڑھ گئی ہے کہ وہ دن دہاڑے لڑکیوں کے زیادتی کرنے لگے ہیں۔تازہ معاملہ بہار کے سہرسہ کا ہے جہاں کچھ منچلوں نے دن دہاڑے ایک اسکول جاتی لڑکی کے ساتھ جنسی زیادتی کی ہے ساتھ ہی لڑکی کے ساتھ چھیڑ چھاڑکرنے کا ویڈیو بھی بنا کر وائرل کیا گیا۔ویڈیو میں صاف دیکھا جا سکتا ہے کہ لوگوں کے اندر کتنی حیوانیت بھری ہے لڑکی چلا رہی ہے اور ویڈیو بن رہا ہے۔ویڈیو میں دکھائی دے رہا ہے کہ لڑکی منچلے لڑکوں کے پریشان نہ کرنے کے لئے دعا بھی کر رہی ہے۔

اتنا ہی نہیں لڑکی کے ساتھ چل رہا ایک لڑکا جس نے لڑکی کو بچانے کی کوشش کی اسے بھی مارا پیٹا گیا۔پولیس نے ویڈیو کا نوٹس لیتے ہوئے متاثرہ لڑکی اور ملزم کی شناخت کر لی ہے۔یہ ویڈیو سوشل میڈیا پر وائرل ہو رہا ہے اور یہ ویڈیو بہار حکومت کی ترقی کے دعوں کی پول بھی کھول رہا ہے کہ نتیش کے گڈ گورننس میں کس طرح راج چل رہا ہے۔

فی الحال انتخابات کا ماحول ہے اور برسراقتدار کی ہر غلطی پر اپوزیشن کی نظر ہے وہ کوئی بھی موقع ہاتھ سے جانے نہیں دیناچاہتی۔اس لئے شرمناک وائرل ویڈیو ٹویٹ کرکے آر جے ڈی کے لیڈر تیجسوی یادو نے ایک بار پھر بہار کے وزیر اعلیٰ نتیش کمار پر نشانہ لگایا ہے۔تیجسوی یادو نے سہرسہ میں ایک لڑکی کے ساتھ منچلوں کے ذریعہ چھیڑ چھاڑ کرنے کے واقعہ پر کہا ہے کہ نتیش راج میں بہار پھر شرمسار، سہرسہ میں اسکول جاتی لڑکی کا جنسی حملہ۔نتیش جی کب اختتام ہوگا ایسے واقعات کا؟فی الحال پولیس نے اس معاملے میں پنکج یادو نامی ایک نوجوان کو گرفتار کیا ہے۔سہرسہ صدر کے ڈی ایس پی پربھاکر تیواری نے کہا کہ پولیس اس معاملے میں ایف آئی آر درج کر کے باقی ملزمان کو بھی جلد سے جلد پکڑنے کی کوشش کرے گی۔