’’یس سر نہیں، اب مدھیہ پردیش کے اسکولوں میں’’جے ہندسر‘‘بولیں گے بچے
بھوپال،13؍ستمبر(ایس او نیوز؍آئی این ایس انڈیا)مدھیہ پردیش کے سرکاری اسکول آہستہ آہستہ روز نئے استعمال کے اسکول بنتے جارہے ہیں۔ریاست کے سکول تعلیم وزیر وزیر وجے شاہ نے پہلے اسکولوں کو زیادہ پیسہ دینے والی کمپنیوں کے نام کرنے کااعلان کیاتھا،تواب کہاہے کہ طالب علم حاضری کے دوران ’’یس سر‘‘بلکہ ’’جے ہندسر‘‘بولیں گے۔اس کاآغازیکم اکتوبر سے تجرباتی طورپر ستنا ضلع سے ہوگا۔اسکول وزیر شاہ منگل کو ستناضلع کے چترکوٹ میں تھے،یہاں ضمنی اسمبلی الیکشن ہونے والاہے،اس لئے وزراء کی دلچسپی بڑھی ہوئی ہے۔اس حکم میں شاہ نے اسکول کے تعلیمی سیکشن کے افسران سے ملاقات کی۔انہوں نے کہا کہ نئی نسل میں حب وطن کاجذبہ بڑھے، اس کے لئے تمام سرکاری اسکولوں میں ہر روز شروع میں قومی گیت گانے کے احکامات دئے گئے ہیں۔