ہبلی9؍نومبر (ایس او نیوز) ہبلی میں آورہ کتوں کی وجہ سے عوام کا جینا دشوار ہوگیا ہے۔اب ان آوارہ کتوں کا تازہ شکار ایک سات سالہ اسکولی طالب علم آفریدی ہوا ہے۔جو کہ منٹور روڈ کی ارلی کٹے گلی کا رہنے والا ہے۔

موصولہ رپورٹ کے مطابق صبح جب معصوم آفریدی اسکول جارہا تھا تو اچانک آوارہ کتوں نے اس پر حملہ کردیا، جس کی وجہ سے بچے کے چہرے پر گہرے زخم آئے ہیں۔زخمی بچے کو فوری طور پر مقامی اسپتال لے جاکر علاج کروایا گیا ۔عوام کی طرف سے اس بات پر شدید غصے کا اظہار کیا جارہا ہے کہ خاص کر معصوم بچوں پر آوارہ کتوں کے بارہا حملوں کے باوجود ہبلی دھارواڑ میونسپل کارپوریشن کی جانب سے ان کتوں پر قابو پانے کے لئے مؤثر اقدامات نہیں کیے جا رہے ہیں۔