مدھیہ پردیش میں پچھڑی ذات کے لیڈر کو پگڑی باندھنا پڑگیا مہنگا؛ غنڈوں نےسر کی چمڑی ادھیڑ ڈالی، تین کے خلاف معاملہ درج

Source: S.O. News Service | By I.G. Bhatkali | Published on 11th September 2018, 9:10 PM | ملکی خبریں |

شیو پوری 11/ستمبر (ایس او نیوز/ایجنسی): مدھیہ پردیش کے شیو پوری ضلع ہیڈکوارٹر سے تقریبا 40 کلومیٹر دور نرور تھانہ حدود کے تحت مہوبہ گاؤں میں مبینہ طور پر نیلی پگڑی باندھنے کو لے کرپچھڑی ذات کے   ایک 45 سالہ شخص  کی غنڈوں نے  بری طرح پیٹائی کردی اور اس کے سر کی چمڑی اُدھیڑ ڈالی.زخمی شخص کی شناخت سردار سنگھ جاٹو (45) کی حیثیت سے کی گئی ہے، جسے  شدید زخمی حالت میں گوالیار کے ضلعی ہسپتال میں داخل کرایا گیا ہے.

ذرائع کے مطابق واقعہ 3 ستمبر کو پیش آیا تھا، مگر پولس کی جانب سے ملزمین کی گرفتاری نہ ہونے پر ناراض بی ایس پی کارکنوں نے پیر کو بی ایس پی ضلعی صدر دِیا شنکر گوتم کی قیادت میں  پولس سپرنٹنڈنٹ  کو ایک میمورنڈم پیش کیا اور ملزمان کی فوری گرفتاری کا مطالبہ کیا، جس کے بعد یہ واقعہ منظر عام پر آیا۔

دیا شنکر گوتم نے الزام لگایا ہے کہ غنڈوں  نے جاٹو کے سر کی چمڑی اس لئے  اُدھیڑ دی کیونکہ اُس نے  نیلی پگڑی باندھ رکھی تھی  اوراُس کا تعلق  بہوجن سماج پارٹی سے  ہے۔ دِیا شنکر کے مطابق غنڈوں نے جاٹو کو پہلے باندھ دیا پھر چاقو کی مدد سے اُس کے سر کی چمڑی اُڈھیڑ دی۔ دِیا شنکر نے اس بات کا بھی الزام لگایا کہ پولس ابتداء میں شکایت درج کرنے کے لئے ہی تیار نہیں تھی، مگر بعد میں تھانہ شکایت تو درج کی گئی، مگر غنڈوں کی گرفتاری ابھی تک نہیں  کی گئی ہے۔

نرور پولیس اسٹیشن کے انچارج بادام  سنگھ یادو نے بتایا کہ اس معاملے میں سریندر گُجّر سمیت دو  نامعلوم افراد کے خلاف  اقدام قتل اور ایس سی /ایس ٹی قانون کی مختلف   دفعات کے تحت  معاملے درج کئے جاچکے  ہیں اور ملزموں کی تلاش جاری ہے۔

 

ایک نظر اس پر بھی

مالیگاؤں 2008ء بم دھماکہ معاملہ، بم دھماکوں میں زخمی ہونے والے دو افراد نے گواہی دی، دفاعی وکلاء عدالت سے غیر حاضر ، جرح اگلے ہفتہ متوقع

مالیگاؤں ۲۰۰۸ء بم دھماکہ معاملے میں سماعت روز بہ روز جاری ہے ، آج اس معاملے میں بم دھماکوں میں زخمی ہونے والے دو افراد کی گواہی عمل میں آئی

مثبت فکر اورتوانائی سے ملک کی ترقی ہوتی ہے:ارون جیٹلی 

مودی حکومت کے ناقدین کو بات بات پر احتجاج کرنے والا بتاتے ہوئے وزیر خزانہ ارون جیٹلی نے جمعرات کو ان پر جھوٹ گھڑنے اور ایک منتخب حکومت کو کمزور کرکے جمہوریت کو برباد کرنے کا الزام لگایا۔ طبی معائنہ کے لیے امریکہ دورہ پر گئے ارون جیٹلی نے ایک فیس بک پوسٹ میں کہا کہ اظہار رائے کی ...

عد لیہ نے مہاراشٹر میں ڈانس بار پر پابندی لگانے والی کئی تجاویزمستردکیں 

سپریم کورٹ نے مہاراشٹر میں ڈانس بار کے لئے لائسنس اور اس کاروبار پر پابندی لگانے والے کچھ تجاویز جمعرات کومنسوخ کردیئے۔ جسٹس اے کے سیکری کی صدارت والے بنچ نے مہاراشٹر کے ہوٹل، ریستوران اور بار ہاؤس میں فحش رقص پر پابندی اورعورتوں کے وقار کی حفاظت سے متعلق قانون 2016 کے کچھ دفعات ...