این سی ایل اے ٹی کے قرض ادائیگی کے خلاف آرسیلر متل کی سپریم کورٹ میں عرضی
نئی دہلی،11؍ ستمبر (ایس او نیوز؍آئی این ایس انڈیا)نیشنل کمپنی لاء اپیلیٹ ٹریبونل(این سی ایل اے ٹی)کے ذریعہ آرسیلر متل کو دو کمپنیوں کو سات ہزار کروڑ روپے قرض ادا کرنے کے حکم کے خلاف آرسیلر متل نے سپریم کورٹ میں درخواست دائر کی ہے۔ سپریم کورٹ اس درخواست پر سماعت کرنے کے لئے تیار ہو گیاہے۔ دراصل این سی ایل اے ٹی نے آرسیلر متل کوحکم دیا ہے کہ وہ ایسار اسٹیل کو خریدنے کے پہلے وہ اتم گالا اور کے ایس ایس پٹرون کے 7ہزار کروڑ روپے کا قرض ادا کریں۔ این سی ایل اے ٹی نے آج یعنی11ستمبر تک یہ رقم دینے کا حکم دیاتھا۔ این سی ایل اے ٹی کے اسی حکم کو آرسیلر متل نے سپریم کورٹ میں چیلنج دیا ہے۔ آرسیلر متل اسٹیل کی بین الاقوامی کمپنی ہے۔