ہانڈی کی اونچائی 20فٹ سے زیادہ نہیں بڑھے گی:سپریم کورٹ

Source: S.O. News Service | By Safwan Motiya | Published on 24th August 2016, 8:01 PM | ملکی خبریں |

ممبئی،24اگست؍؍(ایس او نیوز/آئی این ایس انڈیا)مہاراشٹر میں دہی-ہانڈی معاملے پر سماعت کرتے ہوئے سپریم کورٹ نے فیصلہ سنایا ہے کہ دہی ہانڈی کی اونچائی 20فٹ سے زیادہ نہیں بڑھے گی۔درخواست گزار نے کہا تھا کہ بچوں پر روک کے لئے وہ تیار ہیں، لیکن 20فٹ کی اونچائی پر روک ہٹائی جانی چاہئے۔ملک و بیرون ملک میں دہی ہانڈی مشہور ہے اور پیرامڈ کی اونچائی کو لے کر گنیز بک ریکارڈ بھی مل چکاہے۔کورٹ نے سماعت کے دوران کہا کہ کیا آپ اولمپک میں تمغہ بھی لاتے ہیں،اگر آپ تمغہ لائیں گے تو ہمیں خوشی ہوگی۔واضح رہے کہ 17اگست کو مہاراشٹر میں دہی ہانڈی کے معاملے میں سپریم کورٹ نے فیصلہ سنایا تھا اورممبئی ہائی کورٹ کے فیصلے کو برقرار رکھا تھا۔اس کے مطابق اس میں 18سال سے کم عمر کے بچے حصہ نہیں لیں گے اور دہی ہانڈی کی اونچائی20فٹ سے زیادہ نہیں رہے گی، تاہم سپریم کورٹ نے کہا تھا کہ وہ معاملے کی اکتوبر میں سماعت جاری رکھے گا۔اس سے پہلے سماعت میں سپریم کورٹ نے دہی ہانڈی کے خلاف درخواست گزار سواتی پاٹل کو نوٹس جاری کیا تھا۔مہاراشٹر حکومت کی جانب سے اے ایس جی تشار مہتہ نے سپریم کورٹ کو بتایا تھا کہ 11اگست 2014کو ممبئی ہائی کورٹ نے اپنے حکم میں کہاتھا کہ 18سال سے کم کے نوجوان دہی ہانڈی میں حصہ نہیں لے سکتے اور اس کی اونچائی بھی 20فٹ سے زیادہ نہیں ہونی چاہئے۔منتظمین نے سپریم کورٹ میں اپیل کی تھی اور سپریم کورٹ نے ہائی کورٹ کے فیصلے پر روک لگاتے ہوئے 12سال تک کے بچوں کو حصہ لینے کی اجازت دے دی تھی اور اونچائی کے حکم پر بھی روک لگا دی تھی لیکن بعد میں سپریم کورٹ نے اس درخواست کا نمٹارا کر دیا۔اے ایس جی کے مطابق اب ہائی کورٹ اس معاملے میں عدالت کی توہین کا معاملہ مانتے ہوئے سماعت کر رہا ہے۔ایسے میں سپریم کورٹ کے حکم کے بارے میں واضح کرے کہ آخر یہ چھوٹ صرف اسی سال کے لئے تھی یا آگے بھی لاگو رہے گی۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...