اجودھیافائرنگ معاملہ :ملائم سنگھ کے خلاف ایف آئی آردرج نہیں ہوگی

Source: S.O. News Service | By Shahid Mukhtesar | Published on 2nd January 2019, 11:15 PM | ملکی خبریں |

نئی دہلی2جنوری(ایس او نیوز؍آئی این ایس انڈیا)سپریم کورٹ سے اترپردیش کے سابق وزیراعلیٰ ملائم سنگھ یادو کو بدھ کو بڑی راحت ملی جب ان پر 1990میں رام مندر تحریک کے دوران ’کارسیوکوں ‘پر گولی چلانے کا حکم دینے پر ایف آئی آر درج کرانے کی عرضی خارج کردی گئی۔

جسٹس اشوک بھوشن اور جسٹس کے ایم جوزف کی بنچ نے تاخیر سے عرضی داخل کرنے کو بنیادبناکر اسے خارج کردیا۔عرضی گزار رانا سنگرام سنگھ نے الزام لگایاکہ رام مندر کی تحریک میں پرامن طریقہ سے حصہ لے رہے ’کار سیوک ‘مسٹر یادو کے وزیراعلی کی حیثیت سے گولی چلانے کا حکم دینے کی وجہ سے مارے گئے۔معاملہ نومبر1990کا ہے ،اس وقت مسٹر یادو اترپردیش کے وزیراعلی اور وشوناتھ پرتاپ سنگھ وزیراعظم تھے۔دونومبر1990کولاکھوں کارسیوکوں کی بھیڑ اجودھیا میں جمع تھی اور مسٹر یادو نے بھیڑ کو منتشر کرنے کے لیے گولی چلانے کا حکم دیاتھا۔

مسٹر یادو نے کہاتھا کہ ملک کی سلامتی کیلیے اجودھیا میں گولی چلانے کا حکم دینا پڑا تھا۔گولی چلانے کے حکم کے 23سال بعد مسٹر یادو نے کہاتھا کہ اس وقت انکے سامنے متنازعہ ڈھانچہ بچانے اور ملک کی سلامتی کا سوال تھا اس لیے انھیں یہ حکم دیناپڑا۔اس کے لیے انھیں افسوس ہے لیکن انکے سامنے اور کوئی متبادل نہیں تھا۔

ایک نظر اس پر بھی

 گجرات:  ٹھاکر کمیونٹی کادقیانوسی قانون،لڑکیوں کے موبائل کے استعما ل پر مکمل پابندی، بھاگ کر شادی کرنے پر اہل خانہ کو بھرنا ہوگا جرمانہ 

گجرات کے بناس کا ٹھا میں ٹھا کر کمیونٹی کی طرف سے 12 دیہات میں عجیب و غریب اور دقیانوسی قوانین بنائے گئے ہیں۔ اس میں ایک اصول ایسا ہے کہ لڑکیاں اپنے پاس موبائل نہیں رکھ پائیں گی۔

 اب تمام علاقائی زبانوں میں ہون گے ڈاک محکمہ کے امتحانات، راجیہ سبھا میں ہنگامہ کے بعد حکومت نے منسوخ کیا پیپر 

ڈاک محکمہ کی گزشتہ ہفتے ہوئے ایک امتحان کا ذریعہ صرف ہندی اور انگریزی رکھنے کی مخالفت میں منگل کو راجیہ سبھا میں کئی جماعتوں کے ارکان کے ہنگامے کی وجہ سے کاروائی کئی بار روکنا پڑی۔

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...