نئی دہلی،27فروری(ایس او نیوز؍آئی این ایس انڈیا) سپریم کورٹ نے ایک اہم قدم اٹھاتے ہوئے منگل کو ایم ایم کلبرگی قتل کی تحقیقات کرناٹک کے خصوصی تفتیشی ٹیم (ایس آئی ٹی) کو جانچ سونپ دی ہے۔کرناٹک ایس آئی ٹی پہلے صحافی گوری لنکیش کے قتل کے معاملے کی تحقیقات کر رہی ہیں۔جسٹس روہنٹن فلی نریمن کی صدارت والی بنچ نے کہا کہ تحقیقات کی نگرانی کرناٹک ہائی کورٹ کی دھارواڑ بنچ کرے گی۔کلبرگی کی بیوہ اوما مليناتھ دیوی نے ان کے قتل کی تحقیقات کا مطالبہ کرتے ہوئے 2017 میں عدالت کا دروازہ کھٹکھٹایا تھا۔ملک کی عدالت عظمی نے 26 نومبر، 2018 کو کرناٹک پولیس کو کلبرگي کے قتل کے انکشافات کے لئے قدم نہیں اٹھانے پر پھٹکار لگائی تھی۔کلبرگي کا قتل دھارواڑ میں 30 اگست، 2015 کو ان کے گھر کے باہر کر دیا گیا تھا۔کرناٹک پولیس کی تحقیقات پر سنگین رخ اختیار کرتے ہوئے عدالت نے کہاکہ آپ نے اب تک اس معاملے میں کیا کیا ہے،آپ صرف بے وقوف بنا رہے ہیں۔