’’بی جے پی سماج کوتقسیم کررہی ہے‘‘،دلت لیڈراوربی جے پی ایم پی ساوتری پھولے نے استعفیٰ دیا

Source: S.O. News Service | By Shahid Mukhtesar | Published on 6th December 2018, 9:37 PM | ملکی خبریں |

نئی دہلی،6دسمبر(ایس او نیوز؍آئی این ایس انڈیا) بہراچ بی جے پی ایم پی ساوتری بائی پھولے نے بی جے پی سے استعفیٰ دے دیاہے۔ساوتری پھولے کئی مسائل کولے کر بی جے پی سے ناراض چل رہے تھے۔ساوتری پھولے نے استعفیٰ دینے کے ساتھ ایک بار پھر بی جے پی پر بڑا حملہ کیا۔انہوں نے الزام لگایا کہ بی جے پی معاشرے میں تقسیم کرنے کی سازش کر رہی ہے۔ایک دن پہلے ہی ہنومان کے تنازع میں کودتے ہوئے ساوتری پھولے نے وزیراعلی یوگی کے دعوے کی حمایت کی تھی۔انہوں نے کہا تھا کہ ہنومان جی دلت تھے لیکن ایک قدم آگے بڑھتے ہوئے انہوں نے یہ بھی کہاتھا کہ ہنومان جی منووادیوں کے غلام تھے۔ساوتری نے منگل کو کہا کہ ہنومان دلت تھے اورمنووادیوں کے غلام تھے،اگر لوگ کہتے ہیں کہ بھگوان رام ہیں اوران کا بیڑا پار کرانے کا کام ہنومان جی نے کیاتھا،اگر ان میں طاقت تھی تو جن لوگوں نے ان کا بیڑاپار کرانے کام کیا،انہیں بندرکیوں بنادیاگیا؟ انہیں تو انسان بناناچاہئے تھا لیکن انسان نہ بناکر بندرکیوں بنا دیا گیا،ان کوپونچھ لگادی گئی، ان کے منہ پرکالک پوت دی گئی،چونکہ وہ دلت تھے، اس لئے اس وقت بھی ان کی بے عزتی کی گئی۔انہوں نے کہا تھاکہ ہم دیکھتے ہیں کہ اب ملک نہ بھگوان کے نام پر چلے گا اور نہ ہی مندر کے نام پر،اب ملک ہندوستانی آئین کے حساب سے چلے گا،ہمارے ملک کا آئین سیکولر ہے،تمام مذاہب کی حفاظت کی ضمانت ہے،ہر ایک کا برابر احترام اور اختیار ہے، کسی کو تکلیف دینے کا کوئی حق نہیں ہے،لہذاجوبھی سمجھدارلوگ بات کریں ہندوستان کے آئین کے تحت کریں، غیر ذمہ دارانہ بات عوام کو ایک بار سوچنے پرمجبورکرے گی۔

ایک نظر اس پر بھی

مودی جی کا پرگیہ سنگھ ٹھاکور سے لاتعلقی ظاہر کرنا ایسا ہی ہے جیسے پاکستان کا دہشت گردی سے ۔۔۔۔ دکن ہیرالڈ میں شائع    ایک فکر انگیز مضمون

 وزیر اعظم نریندرا مودی کا کہنا ہے کہ وہ مہاتما گاندھی کے قاتل ناتھو رام گوڈسے کو دیش بھکت قرار دیتے ہوئے ”باپو کی بے عزتی“ کرنے کے معاملے پر پرگیہ ٹھاکورکو”کبھی بھی معاف نہیں کرسکیں گے۔“امیت شاہ کہتے ہیں کہ پرگیہ ٹھاکور نے جو کچھ کہا ہے(اور یونین اسکلس منسٹر اننت کمار ہیگڈے ...

لوک سبھا انتخابات؛ آخری مراحل کے انتخابات جاری؛ 918 اُمیدواروں کی قسمت داو پر؛ ای وی ایم میں خرابی کی شکایتیں؛ بنگال میں دو کاروں پر حملہ

لوک سبھا انتخابات کے ساتویں  اور آخری مرحلہ کے لئے اتوار کی صبح 7 بجے سے ووٹنگ جاری ہے۔جس میں  918 امیدواروں کی قسمت دائو پر لگی ہوئی ہے۔آج جاری انتخابات میں  وزیر اعظم نریندر مودی کا حلقہ انتخاب وارانسی بھی شامل ہے۔ 

دہشت گرد ہر مذہب میں ہیں: کمل ہاسن

تنازعات میں گھرے اداکار لیڈر کمل ہاسن نے جمعہ کو کہا کہ ہر مذہب میں دہشت گرد ہوتے ہیں اور کوئی بھی اپنے مذہب کوبہترین ہونے کا دعویٰ نہیں کر سکتا۔

بی جے پی کو280 سے زیادہ سیٹیں ملیں گی، این ڈی اے کی سیٹیں 300 سے متجاوز ہوں گی: پی مرلیدھر راؤ

بی جے پی لیڈر رام مادھو کے تخمینے کو مسترد کرتے ہوئے پارٹی کے سینئر لیڈر پی مرلیدھر راؤ نے کہا کہ بھگوا پارٹی کو 280 سے زیادہ سیٹیں ملیں گی جبکہ این ڈی اے کے سیٹوں کی تعداد 300 کے پار ہوں گی۔

مالیگاؤں 2008بم دھماکہ معاملہ: اے ٹی ایس کی عدالت سے غیر حاضری کے معاملے میں عدالت کا دخل دینے سے انکار

مالیگاؤں 2008 بم دھماکہ متاثرین جانب سے خصوصی این آئی اے عدالت میں داخل عرضداشت جس میں اس معاملے کی سب سے پہلے تفتیش کرنے والی تفتیشی ایجنسی ATSکی عدالت سے غیرحاضری پر سوال اٹھایا گیا تھا کو عدالت نے یہ کہتے ہوئے خارج کردیا کہ اے ٹی ایس کو پابند کرنا اس کے دائرہ اختیار میں نہیں ہے ...