سیکولرزم کو بچانے کی ذمہ داری صرف مسلمانوں کی نہیں ،راجستھان اورمدھیہ پردیش میں اقلیتوں کونظراندازکرنے پر مفتی اعجازارشدقاسمی کااظہار افسوس

Source: S.O. News Service | By I.G. Bhatkali | Published on 7th November 2018, 3:41 AM | ملکی خبریں |

نئی دہلی 6/اکتوبر (ایس او نیوز/شارب ضیاء) آج ملک انتہائی نازک دور سے گذر رہا ہے۔ ایک طرف ہندو ۔مسلم اتحاد کو پارہ پارہ کرکے ملک کو فرقہ پرستی اور نفرت کی آگ میں جھونک کر فرقہ پرست طاقتیں انگریزوں کے بانٹو اور راج کرو کے اصول پر عمل پیرا ہیں۔ وہیں سیکولر جماعتیں بھی اب اپنے اس قول و قرار سے ہٹ رہی ہیں جو انہوں نے کیا تھا سیکولر زم کے تحفظ کے لیے کیاتھا۔ آج کانگریس جیسی سیکو لر جماعت پر یہ الزام عائد ہورہا ہے کہ وہ نرم ہندتو کے راستے پر چل پڑی ہے۔ان خیالات کااظہارمشہور اسلامی اسکالراوردانشورمفتی اعجازارشدقاسمی نے کیا۔

انہوں نے کانگریس کے فرضی سیکولرزم پرآئینہ دکھاتے ہوئے کہاکہ اقلیتوں خاص کر مسلمان ، دلت اور دبے کچلے پسماندہ سماج کی کسی کو فکر نہیں ہے۔ نہ اقلیتیں بالخصوص مسلمان محفوظ ہیں اور نہ ہی دلت اور آدیواسی۔ انہیں دوسرے درجہ کا شہرے بنانے کی کوشش ہورہی ہے اور سیکولر جماعتیں خاموش ہیں۔ اس وقت راجستھان سمیت ملک کی تین ریاستوں میں اسمبلی انتخابات ہورہے ہیں۔کہاجاتاہے کہ اگر کسی کے وجود کوختم کرنا ہے تو اس کو سیاسی اعتبار سے کچل دو وہ بے موت مرجائے گا۔ آج یہی حال مسلمانوں اور پسماندہ سماج بالخصوص دلت اور آدیواسی لوگوں کیساتھ اپنایا جارہا ہے۔

دلتوں کیلئے  ریزرویشن ہونے کے باوجود ایسے لوگوں کو ٹکٹ دیا جاتا ہے جو اپنے لوگوں کے نہیں بلکہ پارٹیوں کے ماؤتھ پیس ہوں اور انہیں کی آواز بن کر رہ جائیں۔بی جے پی سب کا ساتھ سب کا وکاس کا نعرہ دیتے ہوئے الیکشن کے بعد یہ پرچار کرنے میں لگ جاتی ہے کہ مسلمانوں نے اس کو ووٹ دیالیکن جب مسلمانوں کی نمائندگی کی بات آتی ہے تواگرمگرکرکے اس کو ٹال دیتی ہے۔ کانگریس جو شروع سے ایک سیکولر پارٹی رہی اور اس نے ہمیشہ اس بات کا اعلان کیا کہ وہ غریبوں اور کمزوروں کی پارٹی ہے خود کانگریس صدر راہل گاندھی نے ابھی حال ہی میں اپنے ٹوئیٹ میں اس بات کا اعتراف کیاتھا کہ ان کی پارٹی سماج کے ہر غریب اور کمزور کے ساتھ کھڑی ہے۔

مفتی اعجازارشدقاسمی نے یہ بھی کہاکہ سچر کمیٹی کی رپورٹ آنے کے بعد اب اس بات پر بحث کی ضرورت نہیں ہے کہ غریب کون ہے۔اس لیے ہماری ان پارٹیوں سے اپیل ہے کہ وہ مسلمانوں اور کمزورسماج کو ان کی آبادی کے حساب سے ٹکٹ دیں۔ اگر ہم راجستھان کے ادے پور کمشنری کی ہی بات کریں تو وہاں پر آج تک ایک بھی مسلمان کو ٹکٹ نہیں دیاگیا۔مدھیہ پردیش میں بھی ایک سوپچپن امیدواروں کی لسٹ میں ایک مسلمان کوجگہ دی گئی۔ خوددہلی جہاں مسلمانوں کی ایک بڑی آبادی ہے کانگریس پارٹی کے لیڈر جگدیش ٹائٹلر نے میڈیا رپورٹ کے مطابق دھمکی دی تھی کہ مسلمانوں کو دہلی سے لوک سبھا کے ٹکٹ کا خواب دیکھنا بند کردیناچاہیے۔

راجستھان اورمدھیہ پردیش میں سیکولر پارٹیاں مسلمانوں کو نظر انداز کررہی ہیں۔ ہماری ان سے اپیل ہے کہ اگر انہیں مسلمانوں کا ووٹ چاہئے تو انہیں ٹکٹ دینا پڑے گا۔ بہ صورت دیگر انہیں یہ بھول جاناچاہیے کہ مسلمان ان کے بندھوا مزدور ہیں اور ان کو ووٹ دینا مسلمانوں کی مجبوری ہے۔ مسلمانوں کو یہ ڈر دکھایاجارہاہے کہ فرقہ پرست طاقتیں آجائیں گی لیکن سیکولر پارٹیوں کو یہ نہیں بھولناچاہیے کہ آئین اور قانون بچانا صرف مسلمانوں کی ذمہ داری نہیں ہے بلکہ ان کی بھی اتنی ذمہ داری ہے اور دوسرے سماج کے لوگوں کی بھی اتنی ہی ذمہ داری ہے۔ اگر مسلمانوں کو ان کی آبادی کے اعتبار سے ٹکٹ نہیں دیاگیا تو پھر ہم مجبور ہوں گے سیکولر جماعتوں کیخلاف تحریک چلانے کے لیے اس لیے ہماری ایک ہی مانگ ہے کہ مسلمانوں کوان کی آبادی کے اعتبارسے ٹکٹ دیا جائے اور دلت اور پسماندہ سماج کو نظر انداز کر کے انہیں ہلکے میں نہ لیاجائے۔

ایک نظر اس پر بھی

ایسی جھوٹی حکومت کبھی نہیں آئی ،اپوزیشن پوری طرح متحدرہے توبی جے پی اقتدارسے باہرہوگی،کولکاتہ مہاریلی میں برسے بی جے پی کے سابق لیڈر یشونت سنہا اور ارون شوری

ممتا بنرجی مودی حکومت کے خلاف ایک ریلی میں اپوزیشن جماعتوں کو متحد کرنے میں کامیاب رہیں۔ملک کی 20مختلف سیاسی جماعتوں کے لیڈران کو ایک اسٹیج پر دیکھا گیا ۔اس اسٹیج پرسابقہ بی جے پی حکومت میں وزیر رہے یشونت سنہا اور ارون شوری بھی شامل ہوئے ۔دونوں رہنماؤں نے ممتا کے اسٹیج سے مودی ...

ممتا کے منچ سے گرجے اکھلیش یادو، کہا، انتخابات کے دوران مودی حکومت سی بی آئی اور ای ڈی سے اتحاد کررہی ہے

آج کل مغربی بنگال کے دارالحکومت کولکاتہ حزب اختلاف کے اتحاد کی ایک علامت رہا۔وزیر اعلی ممتا بنرجی نے اپوزیشن یونٹی ریلی نے تقریباََ20جماعتوں کے رہنماؤں کا ایک اجتماع پیش کیا اور ہر ایک نے مودی حکومت پر مرحلہ وار حملہ کیا۔سماج وادی پارٹی کے سربراہ اکھلیش نے ٹائیگر بریگیڈ پریڈ ...

بھیوجی مہاراج خودکشی کیس میں قریبی سمیت 3افرادگرفتار،بھیجے گئے جیل

مدھیہ پردیش کے معروف بھیوجی مہاراج خودکشی کیس کے معاملے میں اندور پولیس نے بڑے خلاصے کیے ہیں۔پولیس نے کیس میں ایک خاتون سمیت 3افراد کو گرفتار کر لیا ہے، جن میں سے ایک مقتول کاسب سے قریبی سیوادار ہے۔ اندور ڈی آئی جی ہری نارائن چاری مشرا نے بتایا کہ اس معاملے میں ان کے سب سے خاص ...

مہاگٹھ بندھن ریلی پروزیراعظم مودی نے کیاطنز،کہا ،اپوزیشن کامہاگٹھ بندھن صرف مودی کے خلاف نہیں بلکہ ہندوستان کی عوام کے خلاف بھی

جہاں ایک طرف مغربی بنگال کے دارالحکومت کولکاتہ میں ترنمول کانگریس (ٹی ایم سی)کی صدر ممتا بنرجی کی قیادت میں متحدہ اپوزیشن نے مودی حکومت پر نشانہ لگایا تو وزیر اعظم نریندر مودی نے دمن-دیو اور دادر-ناگر حویلی کے سلواسا سے اپوزیشن پر حملہ کیا۔ انہوں نے کہا کہ اپوزیشن کامہاگٹھ ...

ممتاکے منچ سے اروند کجریوال کازبردست حملہ، مودی۔ شاہ نے 5سالوں میں وہ کردیاجو پاکستان اب تک نہ کرسکا، مسلمانوں کونشانہ بنایاگیا،خواتین کوگالی دینے والوں کووزیراعظم فالوکرتے ہیں

دہلی کے وزیراعلیٰ اورعام آدمی پارٹی کے کنوینر اروندکجریوال ممتابنرجی کی ریلی میں مغربی بنگال میں شامل ہوئے۔دہلی کے وزیراعلیٰ نے مودی اوربی جے پی کے قومی صدر امت شاہ کے خلاف آواز بلند کی۔کجریوال نے کہا کہ مودی نے وعدخلافی کی ہے۔مودی جی کی نوٹ بندی کی وجہ سے سو لاکھ نوکریاں ختم ...