ڈرائیونگ کے لیے خواتین کی کم سے کم عمر 18 سال مقرر

Source: S.O. News Service | By Shahid Mukhtesar | Published on 29th September 2017, 7:34 PM | خلیجی خبریں |

ریاض29 ستمبر(ایس او نیوز؍آئی این ایس انڈیا)سعودی عرب کی وزارت داخلہ کے ترجمان میجر جنرل منصور الترکی نے کہا ہے کہ خواتین کی ڈرائیونگ کے حوالے سے قانون سازی اور ضابطہ اخلاق تیار کیا جا رہا ہے۔ گاڑی چلانے کے مجاز خواتین کی کم سے کم عمر اٹھارہ سال مقرر کی گئی ہے۔ منصور الترکی نے کہا کہ خواتین کی ڈرایؤنگ کی اجازت دینے کا فیصلہ واضح، ٹریفک قوانین پر عمل درآمد کے مطابق ہے۔ دنیا بھر کی طرح سعودی حکومت نے بھی ڈرائیونگ کے لیے مرد اور عورت دونوں کے لیے کم سے کم عمر کی حد اٹھارہ سال مقرر کی ہے۔ اٹھاہ سال کی عمر کے افراد ڈرائیونگ لائسنس حاصل کرسکیں گے۔ایک سوال کے جوب میں ترجما وزات داخلہ نے کہا کہ ٹریفک پولیس کے ساتھ تمام شہروں میں سڑکوں پر پولیس تعینات رہے گی۔ سیکیورٹی حکام ڈرائیونگ کے دوران خواتین کو درپیش مشکلات کے حل میں ان کی مدد کریں گے۔قبل ازیں سعودی وزیر داخلہ شہزادہ عبدالعزیز بن سعود بن نایف نے کہا کہ سکیورٹی سروسز مملکت بھر میں مرد اور خواتین پر ٹریفک قوانین کے یکساں اطلاق کے لیے تیار ہیں۔انھوں نے جمعرات کے روز ایک بیان میں کہا ہے کہ ’’ خواتین کی محفوظ طریقے سے گاڑیاں چلانے کے لیے رہ نمائی کی جائے گی اور ا ن کی ڈرائیونگ کو ایک تعلیمی عمل میں تبدیل کردیا جائے گا۔اس سے حادثات کی صورت میں ہونے والے جانی اور مالی نقصانات میں بھی کمی واقع ہوگی‘‘۔انھوں نے مزید کہا ہے کہ ’’ٹریفک کی تصریحات کے مردوں اور خواتین دونوں پر اطلاق کے لیے جاری کردہ نیا فرمان خادم الحرمین الشریفین شاہ سلمان بن عبدالعزیز اور ولی عہد شہزادہ محمد بن سلمان کا ایک تاریخی اقدام ہے‘‘۔

ایک نظر اس پر بھی

ایرانیوں کا پیغام واضح ہے، وہ نظام کی تبدیلی چاہتے ہیں : شہزادہ رضا پہلوی

سابق شاہ ایران کے بیٹے شہزادہ رضا پہلوی نے ایران میں مظاہروں کی اہمیت پر زور دیتے ہوئے باور کرایا ہے کہ ایرانی عوام 40 برس تک مذہبی آمریت کے نظام کے تحت زندگی گزارنے کے بعد اس بات پر قائل ہو چکے ہیں کہ اس نظام کی اصلاح ممکن نہیں۔

اب سو فیصد ڈیجیٹل حج؛ آن لائن اور ایپ کے ذریعے3.60 لاکھ درخواستیں موصول؛ سعودی میں مرکزی وزیر مختار عباس نقوی کا بیان

امسال سے حج سو فی صد  دیجٹل  ہوگا اور لوگوں کے ابآن لائن اور موبائل ایپ کے ذریعے درخواستیں موصول کئے جارہے ہیں، اب تک  آن لائن  اور موبائیل ایپ کے ذریعہ تین لاکھ  60 ہزار درخواستیں  حج کمیٹی کو موصول ہوچکی  ہیں۔  ہمارا حج کوٹہ پچھلے سال کی طرح امسال بھی پرایویٹ ٹور اپریٹرس ...