سعودی عرب:سیہات میں ہلاک دہشت گردوں سے متعلق تفصیلات

Source: S.O. News Service | Published on 21st July 2017, 11:05 PM | عالمی خبریں |

ریاض21جولائی(ایس او نیوز/آئی این ایس انڈیا)سعودی وزارت داخلہ نے گزشتہ ہفتے مشرقی صوبے میں ضلع قطیف کے شہر سیہات میں سکیورٹی فورسز کے ساتھ جھڑپ میں مارے جانے والے 3 مطلوب دہشت گردوں کی ہلاکت سے متعلق تفصیلات کا انکشاف کیا ہے۔جمعے کے روز جاری بیان میں وزارت داخلہ نے بتایا کہ مطلوب دہشت گردوں میں دو افراد جعفر آل مبیریک اور صادق آل درویش کا تعلق سعودی عرب سے جب کہ ان کا تیسرا ساتھی حسن ابو عبداللہ بحرینی بحرینی شہریت رکھتا ہے۔ تینوں مطلوب افراد ایک مسروقہ گاڑی میں سوار تھے اور ان لوگوں نے سکیورٹی فورسز پر فائرنگ کی۔وزارت داخلہ نے باور کرایا کہ مذکورہ مطلوب افراد فوج داری اور دہشت گردی سے متعلق کئی جرائم میں ملوث رہے جن میں سکیورٹی فورس کے اہل کاروں کا قتل اور مسلح لُوٹ مار شامل ہے۔ سیہات میں مطلوب دہشت گردوں کی گاڑی سے گولہ بارود اور اسلحہ بھی برآمدہوا۔رواں برس مارچ سے اب تک مشرقی صوبے کے ضلعے قطیف میں دہشت گردی کی22سے زیادہ کارروائیاں ہو چکی ہیں۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...