ایران سے تعلقات رکھنے والے دہشت گردوں کا سامنا ہے : سعودی وزارت داخلہ

Source: S.O. News Service | By Shahid Mukhtesar | Published on 26th December 2017, 7:35 PM | خلیجی خبریں |

ریاض 26دسمبر (ایس او نیوز؍آئی این ایس انڈیا) سعودی وزارت داخلہ کے ترجمان بریگیڈیئر جنرل منصور الترکی نے باور کرایا ہے کہ’’سعودی عرب کو ایسے دہشت گرد گروپوں کا سامنا ہے جن کے ایران کے ساتھ واضح تعلقات ہیں۔قطیف میں محکمہ اوقاف کے جج محمد الجیرانی کے قتل کی تفصیلات کے حوالے سے پریس کانفرنس میں الترکی نے بتایا کہ ’’دہشت گردی کی سرپرستی کرنے والے ممالک اپنے ملوث ہونے کے ثبوت نہیں چھوڑتے تا کہ بین الاقوامی سطح پر ان کی مذمت نہ کی جا سکے۔ وہ ایسی جماعتیں تشکیل دیتے ہیں جو اْن کی طرف سے سپورٹ اور فنڈنگ حاصل کر کے دہشت گردی کے مشن انجام دیتے ہیں۔ یہ معاملہ ہم یمن میں حوثی جماعت اور لبنان میں حزب اللہ کا دیکھتے ہیں‘‘۔انہوں نے مزید کہا کہ ’’ہم قطیف ضلعے میں العوامیہ قصبے کے علاقے المسورہ سے دہشت گرد عناصر کو نکال دینے میں کامیاب ہو گئے۔قطیف میں الجیرانی کے قتل کے جرم کے حوالے سے الترکی نے تصدیق کی ہے کہ "اس سلسلے میں الجیرانی کے ایک اغوا کار اور سکیورٹی حکام کو مطلوب انتہائی خطرناک دہشت گرد سلمان الفرج ہلاک کر دیا گیا اور اس کے سوتیلے بھائی زکی الفرج کو گرفتار کر لیا گیا‘‘۔وزارت داخلہ کے ترجمان کے مطابق الجیرانی کے اغوا کی کارروائی میں کئی دہشت گرد شریک تھے۔ انہوں نے بتایا کہ مملکت کی جانب سے سکیورٹی اداروں کو تمام تر مطلوبہ لوازمات فراہم کیے جا رہے ہیں تا کہ وہ دہشت گردوں کے تعاقب میں اپنی ذمے داریوں کو پوری تندہی کے ساتھ انجام دے سکیں۔اس سے قبل سعودی وزارت داخلہ نے آج پیر کے روز ہی اعلان کیا تھا کہ العوامیہ میں ملنے والی مدفون لاش محمد الجیرانی کی ہے جو اپنے اغوا کاروں کے ہاتھوں قتل کیا گیا تھا ۔ 
 

ایک نظر اس پر بھی

سعودی عرب کو سی پیک میں شامل ہونے کی دعوت

پاکستان کے وفاقی وزیر اطلاعات و نشریات فواد چودھری نے کہا ہے کہ پاکستان کے وزیرِ اعظم عمران خان نے سعودی عرب کے دورے کے دوران وہاں کی قیادت سے ہونے والی ملاقات میں سعودی عرب کو چین پاکستان اقتصادی راہداری (سی پیک) کے منصوبوں میں بطور تیسرے شراکت دار شامل ہونے کی دعوت دی ہے۔

بھٹکلی نوجوان ابصر محتشم کی شارجہ قبرستان میں ہوئی تدفین؛ جنازے میں کثیر تعداد میں لوگوں نے کی شرکت

بھٹکل کے نوجوان ابصر محتشم  جس کی نعش جمعرات کو  شارجہ میں واقع اُسی کے فلیٹ سے برآمد ہوئی تھی، آج کاغذی کاروائیوں کے بعد میت کو اُس کے بھائی اور رشتہ داروں کے حوالے کردی گئی۔

دبئی میں ملازمت کرنے والے بھٹکل کے نوجوان کی شارجہ میں موت؛ آج کی گئی نوجوان کی شناخت

بھٹکل  گڈلک روڈ کے رہائشی محمد ابصر محتشم (30) جس کی نعش   متغیر  حالت میں  شارجہ میں اُسی کے فلیٹ سے 23اگست کو برآمد کی گئی تھی، آج اُس کے  بھائیوں کی مدد سے شناخت کے بعد اُن کے حوالے کرنے کاغذی کاروائی جاری ہے۔ توقع ہے کہ کل پیر کو میت بھائیوں کے حوالے کی جائے گی اور کل ہی ...

مناسک حج کی ادائیگی کے دوران اردنی خاتون نے بچے کو جنم دے دیا

مزدلفہ میں شب قیام کے بعد حجاج کرام پہلے دن کی رمی کے لئے منیٰ پہنچ گئے ہیں اورقربانی کے بعد حجاج کرام کاسرمنڈوا کر احرام کھولنے کاعمل بھی جاری ہے اورمناسک حج کی ادائیگی کے دوران اردنی خاتون نے بچے کو جنم دے دیا۔