سعودی عرب منشیات اسمگل کرنے کے عجیب وغریب طریقے

Source: S.O. News Service | By Shahid Mukhtesar | Published on 21st March 2018, 11:34 AM | خلیجی خبریں |

ریاض 20مارچ(ایس او نیوز؍ آئی این ایس انڈیا) بیرون ملک سے سعودی عرب میں منشیات کی اسمگلنگ کے مکروہ دہندے کے لیے جرائم پیشہ عناصر عجیب وغریب طریقے اپناتے ہیں۔ حال ہی میں سعودی عرب کی شمالی سرحد پرکسٹمز حکام نے اردن سے ایک مسافر برادر بس کے ذریعے منشیات کی اسمگلنگ کی بڑی سازش ناکام بنا کر77 ہزار نو سو ’کپٹاگون’ گولیاں قبضے میں لے لیں۔حالہ عمار گذرگاہ کے کسمٹز ڈائرکٹر خالد الرمیح بے بتایا کہ اردن سے سعودی عرب داخل ہونے والی مسافر بس کی تلاشی لی گئی تو اس میں ہزاروں کی تعداد میں کپٹاگون کی گولیاں برآمد ہوئیں۔ یہ تمام گولیاں خوراک کا سامان رکھنے کے لیے بنائی گئی پلاسٹک کی تین ٹوکریوں میں رکھی گئی تھیں۔ انہیں چھپانے کے لیے ٹوکریوں میں خوراک کا سامان بھی تھا۔یہ پہلا موقع نہیں کہ سعودی کسٹمز حکام نے بیرون ملک سے منشیات کی اسگلنگ کی کوشش ناکام بنائی ہے۔ ماضی میں متعدد بار ایسا ہوچکا ہے۔ العربیہ ڈاٹ نیٹ نیاردن سے منشیات کی اسمگلنگ کی سازش ناکام بنائے جانے کے بعد ماضی میں اس مکروہ دہندے کی ترویج کے لیے استعمال ہونے والے مختلف حربوں پر روشنی ڈالی ہے۔ ان میں بعض حربے محیر العقول اور عجیب وغریب ہیں۔سعودی عرب کے ڈاریکٹوریٹ جنرل برائے انسداد منشیات کے تعاون سے العربیہ ڈاٹ نیٹ نے منشیات کی اسمگلنگ کے مختلف طریقوں کو تصاویر کی مدد سے نمایاں کیا ہے۔ جرائم پیشہ اور انسان دشمن عناصر بسا اوقات اپنے انسانیت سوز جرم کے لیے انتہائی عجیب اور نرالے طریقے اپناتے ہیں۔ ان میں بکریوں کی انٹریاں، پھلوں، ٹماٹروں، گوبی کے پتوں،مونگ پھلی کے دانوں،رنگ گورا کرنے والی کریم کی بوتلوں، پانی کے فلٹروں، گاڑیوں کے اسپیئرپارٹس، پانی کے برتنوں حتیٰ کہ گیس کے سلینڈروں کی مدد سے بھی منشیات اسمگل کی جاتی ہیں۔ یہ امر سب سے زیادہ حیران کن ہے کہ گیس کے سلینڈروں کے ذریعے بھی منشیات اسمگل کی جاتی رہی ہے۔ذیل میں منشیات کی اسمگلنگ کے چند نرالے طریقے بیان کیے جاتے ہیں۔

مردہ جانوروں کے ذریعے اسمگلنگ: بعض انسان دشمن عناصر مردہ جانوروں کی انتڑیوں منشیات ڈال کر انہیں سعوددی عرب پہنچاتیہیں۔ حال ہی میں سعودی کسٹمز حکام نے مختلف جانوروں کی 204 اوجھ اور انتڑیاں قبضے میں لیں۔منشیات کی اسمگلنگ کے حیران کر دینے والے طریقوں میں پیاز کا استعمال بھی شامل ہے۔ کچھ عرصہ پیشتر سعودی کسٹمز حکام نے سرحد پر پیاز سے لدا ایک ٹرک پکڑا۔ کسٹمز کے تفتیش کاروں کو شبہ ہوا کہ اس میں منشیات چھپائی گئی ہے۔ پیاز کی بوریوں کے درمیان پلاسٹک کے ایک بیگ میں منشیات کی بھاری مقدار رکھی گئی تھی۔سعودی عرب اور اردن کے درمیان حالہ عمار گذرگاہ کو دو طرفہ آمد ورفت بالخصوص معتمرین کے لیے کھولا جاتا ہے۔ اس گذرگاہ پر تعینات کسٹمز حکام نے بتایا کہ انہوں نے سعودی عرب داخل ہونے والی ایک مال بردار گاڑی کی تلاشی لی جس میں مختلف پیسٹوں[معجون] کے ڈبوں میں کپٹاگون [فینیتھلین] منشیات کی 46 ہزار گولیاں چھپائی گئی تھیں۔ اس کے علاوہ پائی گئی روٹی کے اندر 52 ہزار نشہ آور گولیاں پکڑی گئیں جب کہ مشروبات کے ڈبوں سے بھی منشیات برآمد کی گئی۔منشیات کی اسمگلنگ کے مختلف حربوں میں لیمو اور مالٹے کا استعمال بھی شامل ہے۔ اسمگلر لیمو اور مالٹے کو اند سے خالی کرنیکے بعد ان میں منشیات بھر دیتے ہیں۔ کسٹمز حکام نے لیمو اور مالٹے کے ذریعے منشیات کی اسمگلنگ کی کوشش ناکام بناتے ہوئے 51 ہزار گولیاں قبضے میں لیں۔آپ یقین نہیں کریں نا کریں مگر اسمگلر منشیات کی اسمگلنگ کے لیے مکھن کے ڈبوں کو بھی استعمال کرتے ہیں۔ اگرچہ یہ ڈبے باقاعدہ سیل پیک ہوتے ہیں مگر اسمگلر ایسے ڈھنگ سے انہیں کھول کر دبارہ پیک کرتے ہیں کہ ان کی سیل کھلنے کا شائبہ نہیں ہوتا۔ کسٹمز حکام مکھن کے ڈبوں کی مدد سے 5 لاکھ 72 ہزار فینیلیتھن گولیاں ضبط کرچکے ہیں۔سعودی عرب کی مذہبی حیثیت کو سامنے رکھتے ہوئے بیرون ملک سے قرآن پاک رکھنے کے لیے لکڑی کی تیار کردہ ریلیں منگوائی جاتی ہیں۔ اسمگلر لڑکی کی بنی ان ریلوں اور ڈائریریوں کو بھی منشیات کی اسمگلنگ کے لیے استعمال کرتے پائے گئے ہیں۔ کسٹمز حکام نے اس طریقے سے 20 لاکھ سے زاید کپٹاگون منشیات گولیاں قبضے میں لیں۔

ایک نظر اس پر بھی

بھٹکل انجمن انجینئرنگ کالج کے فارغین کی دبئی میں نشست؛قائد قوم نے کہا؛ فارغین کا ساتھ ملا تو انجمن کی کامیابی یقینی

گذشتہ دنوں دبئی میں قائد قوم ڈاکٹر ایس ایم سید خلیل الرحمن صاحب کی رہائش گاہ پر بھٹکل انجمن انجنیرنگ کالج کے فارغین کی ایک خصوصی نشست منعقد ہوئی جس میں انجمن انجنیرنگ کالج کے اولین بیچBatch کے فارغین نے بھی شرکت کی ۔

کیرالہ کی این آر آئی خاتون نے منگلورو ایئرپورٹ اسٹاف پر لگایا ،جان بوجھ کر پاسپورٹ پھاڑنے کا الزام؛ ائرپورٹ ڈائرکٹر نے الزام کو کیا خارج

 پڑوسی ریاست کیرالہ۔  کاسرکوڈ کے  ایک این آر آئی نے   الزام لگایا ہے کہ منگلورو انٹرنیشنل ایئر پورٹ پر سیکیوریٹی اسٹاف نے جان بوجھ کر اس کی بیوی کا پاسپورٹ اُس وقت   پھاڑ دیا جب وہ اپنے دو چھوٹے بچوں کے ساتھ دبئی روانہ ہونے کے لئے پہنچی تھی۔پاسپورٹ پھاڑنے کے بعد  ائرپورٹ ...

دبئی کے قریب عجمان میں منعقدہ نوائط پریمیر لیگ کرکٹ ٹورنامنٹ میں ڈی وی ایس یونائٹیڈ کی شاندار جیت؛ الکریمی چیلنجرس کو فائنل میں شکست

دبئی کے قریب عجمان کے  ایڈن گارڈن میدان میں منعقدہ ایز ٹیکس نوائط پرئمیر لیگ (این پی ایل)  کرکٹ کا پہلا ٹورنامنٹ  ڈی وی ایس یونائیٹید نے جیت لیا، جس کے ساتھ ہی  پانچ ٹیموں پر مشتمل یہ ٹورنامنٹ کامیابی کے ساتھ اختتام پذیر ہوا۔

نوہیرا شیخ کے خلاف چارج شیٹ داخل ہونے پر دبئی سے سرمایہ لگانے والوں نے کیا خیر مقدم، لیکن رقم واپس ملنے کے تعلق سے شش و پنج برقرار

’ہیرا گروپ‘ کی پونزی اسکیم میں سرمایہ لگاکر فریب کھانے والے خلیجی ممالک میں مقیم افراد نے کمپنی کی سی ای او   نوہیرا شیخ کے خلاف ممبئی میں چارج شیٹ داخل کیے جانے کا خیر مقد م کیا ہے۔ مگر ان میں سے بہت سارے لوگ اپنی رقم واپس ملنے کے تعلق سے زیادہ پُر امید بھی نظر نہیں آرہے ہیں۔

دبئی میں راہل نے اخبار نویسوں سے کہا؛ ’بی جے پی مشتعل اور غیر روادار؛ کررہی ہے ہمارے اداروں کو برباد؛ مگر ہم اب اُنہیں ایسا کرنے دیں گے

متحدہ عرب امارات کے دورہ پر پہنچے راہل گاندھی نے دبئی میں پریس کانفرنس سے خطاب کرتے ہوئے مودی حکومت پر راست حملہ کیا اور  کہ  ’’بی جے پی مشتعل اور غیر روادار ہو رہی ہے اور ہمارے اداروں کو برباد کر رہی ہے، جیسا کہ  سپریم کورٹ ، ریزرو بینک اور الیکشن کمیشن   آف انڈیا  میں ...

دبئی میں راہول گاندھی نے کہا؛ میں آپ کے من کی بات سننے آیا ہوں؛ ہزاروں کی بھیڑ میں راہول کا چل گیا جادو؛ راہول۔راہول کے نعرے

کانگریس کے صدر راہل گاندھی نے کہاکہ آئندہ برس ہونے والے عام انتخابات کے بعد مرکز میں ان کی حکومت بننے پر آندھراپردیش کو خصوصی ریاست کا درجہ دیا جائے گا۔متحدہ عرب امارات کے اپنے پہلے دورہ پر آئے مسٹر گاندھی نے جمعہ کو شرمک کالونی میں رہنے والے ہندوستانیوں سے خطاب کرتے ہوئے کہا ...