سعودی ولی عہد اور فرانسیسی وزیرخارجہ کا دہشت گردی سے نمٹنے کے لیے کوششوں پر تبادلہ خیال

Source: S.O. News Service | By Shahid Mukhtesar | Published on 16th July 2017, 4:00 PM | خلیجی خبریں |

ریاض،16؍جولائی(ایس او نیوز؍آئی این ایس انڈیا)سعودی ولی عہد شہزادہ محمد بن سلمان سے فرانسیسی وزیر خارجہ ژاں وائی ویس لی دریان نے ہفتے کے روز ملاقات کی ہے اور ان سے دوطرفہ تعلقات ، قطر بحران اور دہشت گردی کے خلاف جنگ میں مشترکہ کوششوں کے بارے میں تبادلہ خیال کیاہے۔انھوں نے دونوں ملکوں کے درمیان دو طرفہ تعلقات کو فروغ دینے کے طریقوں ،خطے میں ہونے والی تازہ پیش رفت،دہشت گردی اور انتہا پسندی کے خلاف اجتماعی کوششوں اور دہشت گردی کے لیے رقوم کی روک تھام کے لیے اقدامات پر بھی تبادلہ خیال کیاہے۔سعودی ولی عہد نے فرانسیسی وزیر خارجہ کے اعزاز میں استقبالیہ دیا۔اس میں وزیر داخلہ شہزادہ عبدالعزیز بن سعود بن نایف بن عبدالعزیز ، وزیر خارجہ عادل الجبیر ، وزیر ثقافت اور اطلاعات ڈاکٹر عواد العواد اور دوسرے سینیر سول اور فوجی عہدے داروں نے بھی شرکت کی۔لی دریان نے جدہ میں سعودی وزیر خارجہ عادل الجبیر کے ساتھ مشترکہ نیوز کانفرنس میں دہشت گردی کے خلاف جنگ میں سعودی عرب کی قیادت کے کردار کو سراہا ہے۔انھوں نے قطر اور اس کا بائیکاٹ کرنے والے چاروں ممالک کے درمیان جاری کشیدگی کے خاتمے کے لیے مذاکرات کی ضرورت پر زوردیا ہے۔اس موقع پر عادل الجبیر نے کہا کہ انھوں نے فرانسیسی وزیر خارجہ کو سعودی مملکت کی جانب سے دہشت گردی کی حمایت اور مالی معاونت سے انکار کی یقین دہانی کرائی ہے۔انھوں نے یہ بھی بتایا ہے کہ وہ قطر کی خلاف ورزیوں سے متعلق ایک مکمل فائل فرانس کو فراہم کریں گے۔قبل ازیں فرانسیسی وزیر خارجہ لی دریان نے دوحہ میں صحافیوں سے گفتگو کرتے ہوئے خلیج بحران کے حل کے لیے اپنے ملک کی جانب سے کویت کی مصالحانہ کوششوں کی حمایت کا اظہار کیا اور کہا کہ فریقین کے درمیان اعتماد کی فضا بحال کرنے کے لیے اقدامات کیے جانے چاہئیں۔انھوں نے مزید کہا کہ فرانس کو قطر اور اس کے ہمسایہ عرب ممالک کے درمیان تعلقات میں اچانک بگاڑ پر گہری تشویش لاحق ہے اور اب فرانس ان تمام ممالک سے مسئلے کے حل کے لیے بات چیت کررہا ہے۔

ایک نظر اس پر بھی

سمندری طوفان مکونو عمان کے ساحل سے ٹکراگیا؛ تیز ہواؤں اور شدید بارشوں نے مچائی تباہی؛ 12افراد ہلاک

   سمندری طوفان مکونو عمان کے ساحلی علاقوں سے ٹکرانے کے نتیجے میں  جنوبی عمان کے صلالہ میں  تیز ہواؤں اور شدید بارشوں نے تباہی مچا دی ہے،  اور عمان ٹائمز کی رپورٹ کے مطابق ایک بچی سمیت 12 افراد ہلاک ہوگئے ہیں۔

بھٹکل جامعہ اسلامیہ وفد کی جدہ آمد پر افطاری پروگرام ؛ بھٹکل کے معروف نابینا حافظ انیس بڈو کو جماعت کی جانب سے عمرہ کا اعزاز

بھٹکل کمیونٹی جدہ کی جانب سے ممبران کے لئے ہوٹل ٹرائی ڈینٹ میں افطاری کا اہتمام کیا گیا۔ اور اس پروگرام میں جامعہ اسلامیہ کے وفد  مولانا انصار خطیب مدنی و مولانا ارشاد صدیقہ ندوی کا پُرتباک استقبال ہوا