شامی فوجی اہداف پر امریکی حملے کی مکمل تائید کرتے ہیں: ریاض

Source: S.O. News Service | Published on 7th April 2017, 4:43 PM | خلیجی خبریں |

ریاض،7اپریل(ایس او نیوز/آئی این ایس انڈیا)سعودی عرب کی وزارت خارجہ کے ایک ذمہ دار نے شامی حکومت کی جانب سے نہتے معصوم شہریوں کے خلاف کیمیائی ہتھیاروں کے استعمال کے جواب میں شامی فوجی اہداف پر امریکا کے کروز میزائل حملوں کی مکمل حمایت کا اعلان کیا ہے۔ شامی فوج کے کیمیائی حملوں میں بچوں، خواتین سمیت دسیوں معصوم شامی شہری انتہائی کربناک انداز میں لقمہ اجل بنے۔حالیہ حملے شامی حکومت کے برادر شامی عوام کے خلاف مظالم کا ہولناک تسلسل تھے جنہیں بشار الاسد حکومت کئی برسوں سے اپنے ہی عوام کے خلاف جاری رکھے ہوئے ہے۔مملکت کی وزارت خارجہ کے اعلی عہدیدار نے امریکا کے حالیہ فوجی حملے کی ذمہ اری شامی حکومت پر ڈالتے ہوئے کہا کہ امریکی صدر ڈونلڈ ٹرمپ کے دلیرانہ فیصلہ دراصل شامی حکومت کے مسلسل جرائم کا جواب ہے کیونکہ عالمی برادری اب تک بشار الاسد کو اپنے جرائم روکنے میں بری طرح ناکام دکھائی دیتی تھی۔
جمعہ کو علی الصباح دو امریکی بحری جہازوں سے شامی شہر حمص میں الشیعرات فوجی ہوائی اڈے پر ٹوم ہاک میزائلوں کی بارش کی گئی۔ شامی آبزرویٹری نے بتایا ہے امریکی فوجی کارروائی میں شامی فوج کے چار اہلکار ہلاک ہوئے جبکہ ایئر بیس کو بری طرح نقصان پہنچا۔

ایک نظر اس پر بھی

سعودی عرب میں خواتین کی ڈرائیونگ پر پابندی ختم

سعودی خواتین پر لگی ڈرائیونگ  کی پابندی ختم ہوتے ہی خواتین رات کے بارہ بجتے ہی جشن مناتے ہوئے  سڑکوں پر نکل آئیں اور کار میں بلند آواز میں میوزک چلاکر  شہروں کا چکر لگاتے ہوئے اس پابندی کے خاتمے کا خیر مقدم کیا۔

بھٹکل کمیونٹی جدہ کا عید ملن یکم شوال کو تزک و احتشام سے منایا گیا

یکم شوال 15 جون 2018کو  جدہ شہر کے بیچوں بیچ بہت ہی خوبصورت پاریس ہال میں بی سی جدہ کے ممبران کے لئے عید ملن منعقد ہوا. کثیر تعداد میں ممبران اور مہمانان بھی شریک ہوئے. پروگرام کا اغاز مولوی عفان ادیاور کی خوش آواز تلاوت کلام پاک سے ہوا.

مسجد الحرام میں غیر ملکی شخص کی خودکشی

سعودی عرب کے شہر مکہ میں اسلام کے مقدس ترین مقام مسجد الحرام میں ایک شخص نے خود کشی کر لی ہے۔سعودی عرب کی سرکاری خبر رساں ایجنسی ایس پی اے نے مکہ پولیس کے ترجمان کے حوالے سے بتایا ہے کہ غیر ملکی شہری نے جمعہ کی رات نو بج کر 20 منٹ پر مسجد الحرام کی چھت سے نیچے طواف کرنے کی جگہ پر ...