سعودی عرب کی ادلب میں کیمیائی حملے کی شدید مذمت;ادلب میں کیمیائی حملہ، اسد رجیم کا سفاک چہرہ بے نقاب

Source: S.O. News Service | Published on 6th April 2017, 4:29 PM | خلیجی خبریں |

ریاض،6اپریل(ایس او نیوز/آئی این ایس انڈیا)سعودی عرب نے شام کے شمالی شہر ادلب کے نواحی علاقے خان الشیخون میں گذشتہ منگل کے روز کیے گئے کیمیائی گیس کے مہلک حملے کی شدید الفاظ میں مذمت کی ہے۔سعودی وزارت خارجہ کے ایک اہم عہدیدار نے اپنے بیان میں کہا کہ ادلب میں مہلک کیمیائی گیس کے حملے کے نتیجے میں بے گناہ بچے اور عورتیں جاں بحق ہوئی ہیں۔ اس واقعے نے اسد رجیم کے مکروہ اور سفاک چہرے کو ایک بار پھر دنیا کے سامنے بے نقاب کردیا ہے۔ بیان میں کہا گیا ہے کہ ادلب میں کیمیائی حملہ شام میں جاری انسانی المیے کی بدترین مثال ہے۔ اس مجرمانہ جارحیت کی ذمہ داری اسد رجیم پرعاید ہوتی ہے جو گذشتہ کئی سال سے اپنے ہی عوام کا قتل عام کررہی ہے۔سعودی عرب کا کہنا ہے کہ اسد رجیم کی طرف سے شہریوں کے خلاف کیمیائی ہتھیاروں کا استعمال سنگین جرم ہونے کے ساتھ ساتھ عالمی قوانین، بین الاقوامی انسانی ضابطوں، اخلاقی اصولوں اور اقوام متحدہ کی قراردادوں بالخصوص سلامتی کونسل کی قرارداد 2118 اورکیمیائی ہتھیاروں کے استعمال پر پابندی کی قرارداد 2209 کی کھلم کھلا خلاف ورزی ہے۔
 

ایک نظر اس پر بھی

سعودی عرب میں خواتین کی ڈرائیونگ پر پابندی ختم

سعودی خواتین پر لگی ڈرائیونگ  کی پابندی ختم ہوتے ہی خواتین رات کے بارہ بجتے ہی جشن مناتے ہوئے  سڑکوں پر نکل آئیں اور کار میں بلند آواز میں میوزک چلاکر  شہروں کا چکر لگاتے ہوئے اس پابندی کے خاتمے کا خیر مقدم کیا۔

بھٹکل کمیونٹی جدہ کا عید ملن یکم شوال کو تزک و احتشام سے منایا گیا

یکم شوال 15 جون 2018کو  جدہ شہر کے بیچوں بیچ بہت ہی خوبصورت پاریس ہال میں بی سی جدہ کے ممبران کے لئے عید ملن منعقد ہوا. کثیر تعداد میں ممبران اور مہمانان بھی شریک ہوئے. پروگرام کا اغاز مولوی عفان ادیاور کی خوش آواز تلاوت کلام پاک سے ہوا.

مسجد الحرام میں غیر ملکی شخص کی خودکشی

سعودی عرب کے شہر مکہ میں اسلام کے مقدس ترین مقام مسجد الحرام میں ایک شخص نے خود کشی کر لی ہے۔سعودی عرب کی سرکاری خبر رساں ایجنسی ایس پی اے نے مکہ پولیس کے ترجمان کے حوالے سے بتایا ہے کہ غیر ملکی شہری نے جمعہ کی رات نو بج کر 20 منٹ پر مسجد الحرام کی چھت سے نیچے طواف کرنے کی جگہ پر ...