سعودی عرب حکومت نے سمندری راہ سے دی سفر حج کی منظوری :مختارعباس نقوی

Source: S.O. News Service | By Shahid Mukhtesar | Published on 9th January 2018, 12:48 PM | ملکی خبریں | ان خبروں کو پڑھنا مت بھولئے |

نئی دہلی،8؍جنوری(ایس او نیوز؍آئی این ایس انڈیا) اقلیتی امور کے مرکزی وزیر مختار عباس نقوی نے پیرکوکہاہے کہ سعودی عرب کی حکومت نے ہندوستان سے پانی کے جہاز سے سفرحج کو ہری جھنڈی دے دی ہے۔انہوں نے کہا کہ دونوں ممالک کے متعلق افسران ضروری تجاویز اور تکنیکی پہلوؤں پر کام شروع کریں گے، جس سے آنے والے سالوں میں سمندری راستے سے سفر حج دوبارہ شروع کیا جا سکے۔سرکاری بیان کے مطابق اتوار کو سعودی عرب کے مکہ میں نقوی نے سعودی عرب کے حج اور عمرہ وزیر ڈاکٹر محمد صالح بن طاہر کے ساتھ حج2018کے سلسلے میں دو معاہدے پر دستخط کیے۔دریں اثنا سعودی عرب نے پانی جہاز سے سفر حج شروع کرنے کے لیے ہندوستان کو ہری جھنڈی دے دی ہے۔نقوی نے کہا کہ حجاج کا ممبئی کے ذریعے سمندر کے راستے جدہ جا نے کاسلسلہ1995میں رک گیاتھا۔حجاج کوجہاز (حج کے راستے)سے بھیجنے پر سفر کے اخراجات بہت کم ہو جائیں گے۔انہوں نے کہاکہ نئی ٹیکنالوجی اور سہولیات کے ساتھ پانی کے یہ جہاز ایک وقت میں چار سے پانچ ہزار افراد کو لے جانے کے قابل ہیں۔ممبئی اور جدہ کے درمیان فاصلہ 2300سمندری میل ہے۔ایک طرف کی دوری صرف تین چار دن میں مکمل کی جاسکتی ہے، جبکہ پہلے پرانے جہازسے 12سے15دن لگتے تھے۔وزیر نے کہا کہ پانی کے جہاز سے سفر حج کودوبارہ شروع کیے جانے پرگزشتہ سال جہاز ٹرانسپورٹ وزیر نتن گڈکری سے ملاقات ہوئی تھی۔نقوی نے کہاکہ پانی کے جہاز سے حج سفر شروع کرنے کے معاملے پر ہندوستان اور سعودی عرب کے افسران تمام تکنیکی پہلوؤں پر تفصیل سے گفتگو کریں گے۔ہماری کوشش ہے کہ آنے والے سالوں میں ہندوستان سے پانی جہازسے سفر حج دوبارہ شروع کیاجاسکے۔انہوں نے کہا کہ اس وقت حج 2018صدفیصدڈیجیٹل ؍آن لائن بنا دیا گیا ہے۔سعودی عرب کی حکومت نے ہندوستان کے اس شفاف، سادہ اور ڈیجیٹل حج انتظام کی تعریف کی ہے۔نقوی نے کہا کہ ہندوستان سے پہلی بار مسلم خواتین’’محرم‘‘(مرد رشتہ داروں)کے بغیر حج پر جائیں گے۔بغیرمحرم کے حج پرجانے والی خواتین کے لئے سعودی عرب میں ٹھہرنے کے لئے الگ عمارتیں اور ٹریفک کے انتظامات کئے گئے ہیں۔ان خواتین حاجیوں کی مدد کے لئے خواتین حج معاونین بھی ہوں گی۔نقوی نے کہا کہ 1300سے زائد خواتین نے محرم کے بغیر حج پر جانے کی درخواست دی ہے۔ان سب کو لاٹری نظام سے باہر رکھ کر حج پر جانے کا بندوبست کیا جائے گا۔نئی حج پالیسی کے تحت، 45سال سے زائد عمر کی خواتین چار یازیادہ کے گروپ میں بغیرمحرم کے حج پر جا سکتی ہیں۔

ایک نظر اس پر بھی

چامراج نگر زہریلے پرسادسے ہلاکتوں کا معاملہ: گروہی مفاد پرستی نے لی 15بے قصوروں کی جان۔ مندر کے پجاری نے دی تھی سپاری !

چامراج نگر کے سولواڈی گاؤں میں مندر کا زہریلا پرساد کھانے کے بعد ہونے والی15بھکتوں کی ہلاکتوں کے پیچھے اسی مندر کے چیف پجاری کی سازش کا خلاصہ سامنے آیا ہے۔ ...

وزیراعظم مودی کا حملہ:4سال پہلے کسی نے سوچابھی نہیں تھا کہ سکھ فسادمعاملے میں کانگریس لیڈر کوسزا ملے گی

وزیر اعظم نریندر مودی نے 1984سکھ مخالف فسادات میں انصاف میں تاخیر کا خاکہ پیش کرتے ہوئے منگل کو کہا کہ کسی نے نہیں سوچا تھا کہ کانگریس لیڈر کو معاملے میں مجرم ٹھہرایا جائے گا۔

کرناٹکا کے کولار میں اسکول کی دیوار گرنے سے ساتویں جماعت کی طالبہ فوت

کولار ضلع کے ملباگل تعلق میں آنے والے گنا گنٹے پالیہ سرکل میں واقع مرارجی دیسائی اقامتی اسکول کے احاطے میں بیت الخلاء کی دیوار گرنے کے نتیجے میں ایک ساتویں  جماعت کی طالبہ کی موت واقع  ہوگئی۔ مہلوک کی شناخت جوسنا کی حیثیت سے کی گئی ہے۔

مینگلور: پولیس کے خوف سے سائڈلیتے وقت ٹرک الٹ گیا۔ کلینر کی موت۔ برہم عوام نے کیا راستہ روک کر احتجاج

منگلورو شہر کے مضافات تھوکٹو میں پولیس نے گاڑی روکنے کے لئے کہاتوکیرالہ کی طرف جانے والے ایک ٹرک کے ڈرائیور نے اپنی گاڑی سائڈ میں لے جانے کی کوشش کی جس کے دوران گاڑی الٹ گئی اوراس کے نتیجے میں وسنت کمار (25سال) نامی کلینر ہلاک ہوگیا، جو کہ شکاری پور کا رہنے والا تھا۔ 

چامراج نگر مندر حادثے کے ذمہ داروں کو بخشا نہ جائے: جی پرمیشور

باگلکوٹ ضلع کے ایک نجی شکر کے کارخانے میں بائلر پھٹنے کی وجہ سے ہلاک افراد کے ورثاء کو ریاستی حکومت کی طرف سے پانچ لاکھ روپیوں کا معاوضہ دینے کا فیصلہ کیا گیا ہے۔ یہ بات آج ریاستی اسمبلی میں نائب وزیراعلیٰ ڈاکٹر جی پرمیشور نے بتائی۔

سکھ فسادات: میرے خلاف نہ کوئی ایف آئی آر اور نہ ہی چارج شیٹ، کمل ناتھ نے کہا،بی جے پی جھوٹ پھیلارہی ہے

مدھیہ پردیش کے وزیراعلیٰ کمل ناتھ نے 1984 کے سکھ فسادات پر اٹھ رہے سوالوں پر جواب دیاہے۔کمل ناتھ نے کہاہے کہ 1984 کے سکھ فسادات میں ان کے خلاف کوئی بھی ایف آئی آر یا چارج شیٹ نہیں ہے۔انہوں نے کہا کہ اب اس مسئلے کواٹھانے کے پیچھے صرف سیاست ہے۔انہوں نے کہاکہ جس وقت میں کانگریس کا جنرل ...