سنجے راوت کا شیوسینا میں بڑھا قد، راجیہ سبھا اور لوک سبھا دونوں ایوانوں کے بنے لیڈر
ممبئی ،19؍ ستمبر (ایس او نیوز؍آئی این ایس انڈیا)شیوسینا کی طرف سے راجیہ سبھا رکن سنجے راوت کو لوک سبھا اور راجیہ سبھا کے لیڈرکے عہدہ کی ذمہ داری دی گئی ہے۔ اس طرح کا خط شیوسینا صدر ادھوٹھاکرے نے لوک سبھا صدر سمیترامہاجن کو لکھا ہے۔اطلاع کے مطابق لوک سبھا میں شیوسینا اراکین پارلیمنٹ کے لئے جاری وہپ کو لے کر کافی بے عزتی ہوئی تھی۔ اس وقت دونوں ایوانوں کے لیڈر کے عہدہ کی ذمہ داری رکن پارلیمنٹ چندر کانت کھیرے کے پاس تھی اور انہیں کے دستخط کے ذریعہ ممبران پارلیمنٹ کے لئے عین وقت پر لوک سبھا کے کام کاج کا بائیکاٹ کرنے کی پالیسی ادھو ٹھاکرے نے بنائی تھی۔ لیکن یہ وہپ عین رات کے ہی وقت میڈیا کے ہاتھ لگ گئی تھی۔ اس واقعہ کے بعد ادھوٹھاکرے بہت ناراض ہوئے تھے۔ بتایا جارہا ہے کہ اسی واقعہ کی وجہ سے شیوسینا صدر نے چندرکانٹ کھیرے سے دونوں ایوان کے لیڈر عہدہ کی ذمہ داری واپس لیتے ہوئے یہ عہدہ سنجے راوت کو دے دیا ہے۔ سنجے راوت کے پاس راجیہ سبھا کے لیڈر کے عہدہ کی ذمہ داری کو برقرار رکھا گیا ہے۔ اسی طرح رکن پارلیمنٹ آنند راو اڈسول کے پاس لوک سبھا کے لیڈر کے عہدہ کی ذمہ داری بھی برقرار رکھی گئی ہے۔ اسے شیوسینا میں سنجے راوت کے بڑھتے قدم کے طور پر دیکھا جارہا ہے۔ بتادیں کہ لوک سبھا میں شیوسینا کے18اور راجیہ سبھا میں شیوسینا کے03رکن ہیں۔