سلمان خان نے سیاست سے کی توبہ، کہا نہ انتخابات لڑوں گا نہ کسی پارٹی کی تشہیر کروں گا
نئی دہلی ، 21 مارچ (ایس او نیوز؍آئی این ایس انڈیا) بالی ووڈ کے سپر اسٹار سلمان خان نے الیکشن لڑنے کی خبروں پر روک لگا دی ہے۔اداکار سلمان خان نے جمعرات کو ٹویٹ کر کہاکہ نہ انتخابات لڑوں گا اور نہ کسی پارٹی کی تشہیرکروں گا۔سلمان خان نے ایک طرح سے سیاست سے توبہ کرتے ہوئے کہا کہ الیکشن لڑنے کی قیاس آرائی میں کوئی دم نہیں ہے۔وہیں وزیر اعظم نریندر مودی نے ووٹروں کو متاثر کرنے کے لئے حال ہی میں سلمان خان اور عامر خان کو ٹیگ کرتے ہوئے ٹویٹ کیا تھا، جس میں لکھا تھا کہ ووٹنگ صرف حق نہیں ہے بلکہ فرض بھی ہے۔یہ وقت ملک کے نوجوانوں کو اپنے انداز میں ووٹ ڈالنے کے لئے حوصلہ افزائی کرنے کا ہے، جس سے ہم اپنی جمہوریت اور ملک کو مضبوط کر سکیں۔سلمان خان نے وزیر اعظم نریندر مودی کے اس ٹویٹ کا ہولی کے دن جواب دیتے ہوئے لکھا کہ ہم جمہوریت میں رہتے ہیں، ووٹ ڈالنا ہر ہندوستانی کا فرض ہے،میں ہر ووٹر سے کہوں گا کہ اپنے حق کا استعمال کریں۔
بتا دیں کہ مدھیہ پردیش کانگریس بالی ووڈ اداکار سلمان خان کو ریاست کے صنعتی دارالحکومت اندور میں اپنے امیدوار کے لئے لوک سبھا انتخابی مہم میں اتارنے کی کوشش میں تھی،جس سے بی جے پی کا گڑھ مانی جانے والی اس سیٹ پر 30 سال بعد جیت درج کی جا سکے۔سلمان کی پیدائش اندور کے پلاسيا علاقے میں ہوئی تھا اور ممبئی میں شفٹ ہونے سے پہلے انہوں نے اندور شہر میں اپنے بچپن کا کافی وقت گزارا ہے۔مدھیہ پردیش کانگریس کے ترجمان پنکج چترویدی نے کہا تھا کہ ہمارے لیڈر سلمان خان سے اندور میں پارٹی کے لئے انتخابی مہم کرنے کی پہلے ہی بات چیت کر چکے ہیں،اگرچہ سلمان خان نے اب سیاست میں اترنے کی خبروں اور قیاس آرائیوں کی تردید کر دی ہے۔