سالار قوم بھٹکل؛محی الدین منیری رحمۃ اللہ علیہ ۔۔۔۔۔۔۔۔از:سید محمد زبیر مارکیٹ 

Source: S.O. News Service | By Shahid Mukhtesar | Published on 26th December 2016, 11:27 AM | اسپیشل رپورٹس |

جناب محی الدین منیری مرحوم سے بھٹکل کا کون شخص واقف نہیں ہے ہندوستان کے مشاہیر شخصیات کی صفوں میں آپ کا شمار ہوتا ہے منیری کی شخصیت ہر دلعزیز تھی بااثر تھے ایک سراپا متحرک اور فعال شخصیت کا نام منیری تھا شاید انھیں چین سے بیٹھنا ہی نہیں آتا تھا بجلی کی طرح وہ اپنے اندر تڑپ رکھتے تھے۔

 نشیمن پر نشیمن اس قدر تعمیر کرتا جاکہ بجلی گرتے گرتے آپ خود ہی بے زار ہو جائے۔آپ مولانا خواجہ بہاء الدین اکرمی کے داماد ہیں جو  خود بھی صاحب علم و فضل تھے 1918 میں آپ کی پیدائش ہوئی ۔آپ جامعہ اسلامیہ کے پہلے استاد اور مہتمم مولانا عبدالحمید ندوی رحمہ اللہ کے شاگرد تھے جو اس زمانہ میں انجمن کے استاد تھے مولانا عبدالحمید ندوی ایک اچھے استاد کے علاوہ بہترین مربی بھی تھے  محی الدین منیری مرحوم اوائل طالب علمی سے بہت ذہین اور متحرک رہتے تھے ایک مرتبہ عبدالحمید ندوی نے طلبہ کے سامنے علامہ اقبال کا ایک شعر 

کہتے ہیں فرشتے کہ دل آویز ہے مومن 
حوروں کو شکایت ہے کم آمیز ہے مومن

لکھ کر اس کی وضاحت کے لئے کہا اور ان کو اس کا مطلب بتانے کچھ دنوں کی مہلت بھی دی جناب محی الدین منیری مرحوم نے مولانا سید ابوالاعلی مودودی کو یہ شعر بھیج کر اس کی تشریح چاہی۔

مولانا مودودی نے اسی لفافہ پر اس کی تشریح لکھ کر بھیج دی مولانا عبدالحمید ندوی نے اس خوشی میں اپنے شاگردوں کو مٹھائی کھلائے بعد میں انھیں معلوم ہوا کہ مولانا مودودی سے خط و کتابت ہوئی تھی۔انجمن کے میٹرک کا جو پہلا بیچ نکلا تھا اس میں منیری صاحب بھی تھے۔

 بمبئی میں قیام جامعہ کے لئے جو کمیٹی تشکیل دی گئی تھی اس کمیٹی کا کنوینر محی الدین منیری صاحب کو بنایا گیا تھا گرچہ آپ کا شمار جامعہ کے تحریک کرنے والوں میں شامل نہیں ہے  لیکن یہ بات بھی بتائی جاتی ہے کہ اس کا تخیل ایک منصوبہ بند انداز میں پہلے سے موجود تھا  آپ جب ناظم جامعہ بن گئے جامعہ کو شہرت کی بام تک پہنچایا چونکہ اکابرین ملت اسلامیہ سے آپ کے قریبی روابط تھے ان سے بھی خط و کتابت ہوتی رہتی تھی مولانا سید ابوالحسن علی ندوی کو پہلی مرتبہ بھٹکل میں آپ نے مدعو کیا مولانا سے قریبی تعلقات کی وجہ سے ندوہ سے اس ادارہ کا الحاق کرائے آپ جناب جوکاکو حافظکا سابق سفیر ھند سعودیہ عربیہ کے توسط سے حج کمیٹی میں شامل ہونے  صابو صدیق مسافر خانہ میں ہندوستان کے دور دراز سے آئے ہوئے لوگوں کی خدمت کو اپنی حرز جان بنائے رکھا آپ مکہ مکرمہ میں تیز دھوپ میں حاجیوں کی خدمت کرتے تھے ایک مرتبہ اس نوجوان کو شاہ فیصل جو اس وقت ولیعہد تھے دیکھا برف کی سل سر پر اٹھائے جارہے ہیں تو شاہ فیصل نے آپ سے ملاقات کے بعد حاجیوں کے لئے برف کا بڑا آرڈر دیا۔

 مولانا اطہر مبارک پوری نے البلاغ میں آپ کو مدیر مسئول بنایا آپ بڑے پرجوش مقرر بھی تھے کام کرنے کے علاوہ آپ کام لینا جانتے تھے لوگوں کی صلاحیتوں سے جب واقف ہوجاتے ان سے اسی طرح کام لیتے گھنٹوں اپنے رفقاء کو لیکر اپنے گھر میں لے کر بیٹھ جاتے  آپ آئی ایچ صدیق کے شاگرد تھے بزرگان دین سے آپ کے تعلقات رہے ہیں ان کی صحبت میں بیٹھتے تھے مولانا حسین احمد مدنی اور مولانا  شیخ الحدیث زکریا رحمۃ اللہ علیہ کے ارادتمندوں میں شامل تھے۔

 جب کوئی کام ہوتا تو سر پر  کام اس طرح سوار ہوجاتا کہ آپ کو کھانے پینے کا ہوش نہیں رہتا تھا کام کرنے کا ایک جنون سوار رہتا تھا مولانا سید ابوالحسن علی ندوی مرحوم کو بھٹکل سے آپ ہی نے روشناس کرایا اس کے علاوہ مولانا قاری طیب صاحب مہتمم دارالعلوم دیوبند مرحوم کو جامعات الصالحات کی نئ بلڈنگ کے افتتاح کے موقع پر دعوت دی تھی اس سے پہلے 1952 میں مولانا قاری طیب صاحب بھٹکل میں  جناب قاضیا محمد حسن( والد قاضیا محمد ابراہیم )کی دعوت پر تشریف لائے تھے فرحت منزل نام آپ نے ہی تجویز کیا تھا   جامعات الصالحات کو قائم کرکے قوم کی بیٹیوں کو دینی تعلیم سے آراستہ کیا اور آج ہزاروں ملت کی بیٹیاں اس ادارہ سے فارغ ہو چکی ہیں۔

جامعة الصالحات 1982 میں قائم ہوئی مولانا قاری طیب صاحب کے بدست اس کا افتتاح ہوا اس موقع پر صدق جدید کے ایڈیٹر حکیم عبدالقوی تشریف لائے تھے اور مولانا ہاشم فرنگی محلی بھی تھے ان دونوں شخصیات کے ساتھ لکھنؤ سے میں رفیق سفر رہا۔آپ قوم کے ہر اداروں سے وابستہ رہے ہیں لیڈر شب آپ کو فطرت میں ہی ملی تھی انجمن ہو یا تنظیم ان اداروں کو بھی خون جگر سے آراستہ کیا۔حافظکا کی تجویز  تھی آپ کو انجمن کا آنریری سکریٹری مقرر کیا جائے مگر اس سلسلے میں بات آگے بڑھ نہیں پائی تو ا انجمن کا ایڈمنسٹریٹر مقرر کیا گیا ویسے بعد کے ادوار میں نائب صدر کے عہدہ پر بھی فائز رہے۔اللہ تعالٰی سے دعا ہے کہ مرحوم منیری کی مغفرت فرمائے اور ان کی خدمات کو قبولیت عطا فرمائے۔

ایک نظر اس پر بھی

مودی جی کا پرگیہ سنگھ ٹھاکور سے لاتعلقی ظاہر کرنا ایسا ہی ہے جیسے پاکستان کا دہشت گردی سے ۔۔۔۔ دکن ہیرالڈ میں شائع    ایک فکر انگیز مضمون

 وزیر اعظم نریندرا مودی کا کہنا ہے کہ وہ مہاتما گاندھی کے قاتل ناتھو رام گوڈسے کو دیش بھکت قرار دیتے ہوئے ”باپو کی بے عزتی“ کرنے کے معاملے پر پرگیہ ٹھاکورکو”کبھی بھی معاف نہیں کرسکیں گے۔“امیت شاہ کہتے ہیں کہ پرگیہ ٹھاکور نے جو کچھ کہا ہے(اور یونین اسکلس منسٹر اننت کمار ہیگڈے ...

بلقیس بانو کیس۔ انصاف کی جدوجہد کا ایک سنگ میل ......... آز: ایڈووکیٹ ابوبکرسباق سبحانی

سترہ سال کی ایک لمبی اور طویل عدالتی جدوجہد کے بعد بلقیس بانو کو ہمارے ملک کی عدالت عالیہ سے انصاف حاصل کرنے میں فتح حاصل ہوئی جس فتح کا اعلان کرتے ہوئے عدالت عالیہ (سپریم کورٹ آف انڈیا) نے گجرات سرکار کو حکم دیا کہ وہ بلقیس بانو کو پچاس لاکھ روپے معاوضہ کے ساتھ ساتھ سرکاری نوکری ...

بھٹکل کے نشیبی علاقوں میں کنووں کے ساتھ شرابی ندی بھی سوکھ گئی؛ کیا ذمہ داران شرابی ندی کو گٹر میں تبدیل ہونے سے روک پائیں گے ؟

ایک طرف شدت کی گرمی سے بھٹکل کے عوام پریشان ہیں تو وہیں پانی کی قلت سے  عوام دوہری پریشانی میں مبتلا ہیں، بلندی والے بعض علاقوں میں گرمی کے موسم میں کنووں میں پانی  کی قلت  یا کنووں کا سوکھ جانا   عام بات تھی، مگر اس بار غالباً پہلی بار نشیبی علاقوں میں  بھی پانی کی شدید قلت ...

مفرور ملزم ایم ڈی مُرلی 2008کے بعد ہونے والے بم دھماکوں اور قتل کااصل سرغنہ۔ مہاراشٹرا اے ٹی ایس کا خلاصہ

مہاراشٹرا اینٹی ٹیرورازم اسکواڈ (اے ٹی ایس) کا کہنا ہے کہ سن  2008 کے بعد ہونے والے بہت سارے بم دھماکوں اور پنسارے، دابولکر، کلبرگی اور گوری لنکیش جیسے ادیبوں اور دانشوروں کے قتل کا سرغنہ اورنگ آباد کا رہنے والا مفرور ملزم ایم ڈی مُرلی ہے۔

اب انگلش میڈیم کے سرکاری اسکول ؛ انگریزی میڈیم پڑھانے والے والدین کے لئے خوشخبری۔ ضلع شمالی کینرا میں ہوگا 26سرکاری انگلش میڈیم اسکولوں کا آغاز

سرکاری اسکولوں میں طلبہ کے داخلے میں کمی اور والدین کی طرف سے انگلش میڈیم اسکولوں میں اپنے بچوں کے داخلے کے رجحان کو دیکھتے ہوئے اب سرکاری اسکولوں میں بھی انگلش میڈیم کی سہولت فراہم کرنے کا منصوبہ بنایاگیا ہے۔

لوک سبھا انتخابات؛ اُترکنڑا میں کیا آنند، آننت کو پچھاڑ پائیں گے ؟ نامدھاری، اقلیت، مراٹھا اور پچھڑی ذات کے ووٹ نہایت فیصلہ کن

اُترکنڑا میں لوک سبھا انتخابات  کے دن جیسے جیسے قریب آتے جارہے ہیں   نامدھاری، مراٹھا، پچھڑی ذات  اور اقلیت ایک دوسرے کے قریب تر آنے کے آثار نظر آرہے ہیں،  اگر ایسا ہوا تو  اس بار کے انتخابات  نہایت فیصلہ کن ثابت ہوسکتےہیں بشرطیکہ اقلیتی ووٹرس  پورے جوش و خروش کے ساتھ  ...