سبریمالا انتظامیہ سپریم کورٹ سے حکم کو نافذ کرنے کیلئے اضافی وقت کی مانگ کرے گی
پمبا:17/نومبر(ایس او نیوز/آئی این ایس انڈیا)سبریمالا پوجا گاہ کا انتظام کرنے والا تراوکور دیوسووم بورڈ (ٹی ڈی بی)پیر کو سپریم کورٹ کا رخ کر کے اس حکم کو لاگو کرنے کے لئے مزید وقت کا مطالبہ کرے گا جس میں حیض کی عمر کی خواتین کوبھگوان ایپامندر میں پوجا کرنے کی اجازت دی گئی تھی۔بورڈ نے ریاست میں حکمران بائیں ڈیمو ڈیموکریٹک فرنٹ (ایل ڈی ایف)کے آل جماعت میٹنگ بلانے نے کے ایک روز بعد ان اقدامات کو اٹھایا ہے۔اس میں سختی سے کہا گیا تھا کہ وہ سپریم کورٹ آرڈر کو نافذ کرنے کے لئے پابندعہد ہے۔اس کے علاوہ انہوں نے اپوزیشن جماعتوں کی تجاویز کو بھی مسترد کر کے عدالت سے مزید وقت مانگنے کا مطالبہ کیا۔
ٹی ڈی پی کے صدر اے پڈاکما نے بتایا کہ ہم پیر کو سپریم کورٹ جائیں گے۔غور طلب ہے کہ 28ستمبر کو ایک فیصلے میں سپریم کورٹ نے سبریمالا میں رحیض عمر کی عورتوں کوبھگوان ایپا فلسفہ کے درشن کی اجازت دی تھی۔اس فیصلے کا جائزہ لینے کی درخواستیں جنوری میں سنی جائیں گی لیکن عدالت نے اس پر روک لگانے سے انکارکردیا۔