صعدہ: یمنی فوج کے ہاتھوں حوثی ملیشیا اپنے گڑھ میں محصور

Source: S.O. News Service | By Shahid Mukhtesar | Published on 21st July 2018, 11:59 AM | عالمی خبریں |

صنعاء 21جولائی ( ایس او نیوز؍آئی این ایس انڈیا ) یمن میں جمعرات کے روز سرکاری فوج کے یونٹوں نے حوثیوں کے گڑھ صعدہ میں پہاڑی علاقوں کے بیچ باغیوں کے ٹھکانوں پر اچانک حملہ کر دیا۔ یمنی فوج نے صعدہ کے شمال میں واقع ضلعے باقم میں حوثی ملیشیا کی امدادی سپلائی لائن بھی کاٹ دی جس کے بعد باغی ہر طرف سے محصور ہو کر رہ گئے ہیں۔

یمنی فوج کے ایک کمانڈر بریگڈیئر جنرل رداد الہاشمی نے العربیہ سے گفتگو کرتے ہوئے بتایا کہ کتاف میں پیش قدمی کے دوران حوثیوں کے ساتھ شدید جھڑپیں ہوئیں۔ اس دوران اتحادی طیاروں نے باغیوں کے ٹھکانوں کو شدید بم باری کا نشانہ بنایا جس کے نتیجے میں قومی فوج کے جنگجوؤں نے بعض تزویراتی نوعیت کی پہاڑیوں پر کنٹرول حاصل کر لیا وادی آل بو جبارہ کے نزدیک ہو گئے۔

الہاشمی نے باور کرایا کہ اس دوران وادی خراشب، نصرہ، وادی حرماء، جبلِ صفراء اور ام شدائد کے علاقے کو آزاد کرا لیا گیا۔

ادھر مارب میں فضائی دفاعی نظام نے شہر کی فضاؤں میں باغی حوثی ملیشیا کا ایک ڈرون جاسوس طیارہ مار گرایا۔

تعز صوبے میں یمنی فوج نے مغربی علاقے الصیاح میں حوثی ملیشیا کے ٹھکانوں پر حملہ کر کے باغیوں کو پیچھے ہٹنے پر مجبور کر دیا۔

زمینی ذرائع کے مطابق الضباب کے محاذ پر فرنٹ لائن میں یمنی فوج اور حوثیوں کے درمیان شدید جھڑپیں ہوئی ہیں۔

ایک نظر اس پر بھی

سری لنکا بم دھماکوں سے دہل گیا ؛ تین ہندوستانیوں کے بشمول 215 افراد ہلاک، 400 سے زائد زخمی

سری لنکا میں عیسائیوں کے بڑے تہوار ایسٹر کے موقع پر  ہوئے آٹھ بم دھماکوں میں 215 لوگ ہلاک ہوگئے ہیں جبکہ چار سو سےزائد افراد زخمی ہوئے ہیں۔ میڈیا  رپورٹوں کے مطابق  عین تہوار کے موقع پر  تین  گرجا گھروں اور 3 ہوٹلوں میں دھماکے کئے گئے ہیں   جس کے بعد   ملک بھر میں کرفیو نافذ ...

ایس بی آئی برطانیہ میں قانونی جنگ میں ٹیکس دہندگان کا پیسہ برباد کر رہا ہے : مالیا 

مسائل میں گھرے شراب کاروباری وجے مالیا نے ایک بار پھر سے قرض لوٹانے کی پیشکش اپنی بات دہرانے کے لئے سوشل میڈیا کا سہارا لیا ہے۔ انہوں نے SBI پر بھارتی ٹیکس دہندگان کا پیسہ برطانیہ میں مقدمے پر برباد کرنے کا الزام لگایا۔ برطانیہ کے ہائی کورٹ نے 63 سالہ مالیا کے لندن کے بینک اکاؤنٹ ...

تھائی لینڈ میں نوجوان جرمن خاتون سیاح کا ریپ کے بعد قتل

تھائی لینڈ میں جرمنی سے تعلق رکھنے والی ایک نوجوان خاتون سیاح کو ریپ کے بعد قتل کر دیا گیا۔ تھائی پولیس نے ایک مبینہ ملزم کو گرفتار کر لیا ہے، جس نے اس چھبیس سالہ سیاح کو ریپ کے بعد قتل کرنے کا اعتراف بھی کر لیا ہے۔تھائی لینڈ کے دارالحکومت بنکاک سے پیر آٹھ اپریل کو ملنے والی جرمن ...

جنگ مسلط کردہ یمن میں ہیضہ کی وبا، ویکسین رسائی کی منتظر

جنگ زدہ ملک یمن میں ہیضے کی ہلاکت خیز وبا کئی ملین افراد کو متاثر کر چکی ہے لیکن اقوام متحدہ کے اہلکاروں کو اب تک ادویات پہنچانے کی اجازت نہیں مل پائی۔یمن میں لاکھوں افراد ہیضے کے مرض میں مبتلا ہیں اور اب بھی ہر روز ہزاروں نئے کیسز سامنے آ رہے ہیں۔ سن 2017 کے موسم گرما میں اقوام ...