ماسکو،17جنوری(آئی این ایس انڈیا) روس کو توقع ہے کہ ٹرمپ انتظامیہ کے ساتھ جوہری ہتھیاروں کے معاملے سمیت تزویراتی استحکام کے حوالے سے بات چیت ہو گی۔ یہ بات روسی وزیر خارجہ سیرگئی لاوروف نے آج منگل کے روز میڈیا سے گفتگو کرتے ہوئے کہی ہے۔ 

لاوروف کا مزید کہنا تھا کہ ڈونلڈ ٹرمپ کے عہدہء صدارت سنبھالنے کے بعد ہونے والے ان متوقع مذاکرات میں ہائپرسونک ہتھیاروں، یورپ میں امریکی میزائل شیلڈ، خلائی ہتھیاروں اور جوہری تجربات کے معاملات بھی شامل ہو سکتے ہیں۔