روس نے شمالی کوریا سے متعلق سلامتی کونسل کے مجوزہ بیان کو روک دیا

Source: S.O. News Service | Published on 20th April 2017, 9:19 PM | عالمی خبریں |

ماسکو،20اپریل(ایس او نیوز/آئی این ایس انڈیا)روس نے اقوام متحدہ کی سلامتی کونسل میں امریکہ کی طرف سے پیش کردہ اس مجوزہ بیان کو روک دیا ہے جس میں شمالی کوریا کی طرف سے حال ہی میں کیے جانے والے میزائل تجربہ کی مذمت کی گئی۔بیان میں کہا گیا تھا کہ شمالی کوریا کی بیلسٹک میزائل کی غیر قانونی سرگرمیاں جوہری ہتھیاروں کی ترسیل کی طرف لے کر جا رہی ہیں اوریہ خطے اور خطے سے باہر کشیدگی میں اضافہ کا باعث بن رہی ہیں۔اس بیان میں سلامتی کونسل کی طرف سے یہ مطالبہ بھی کیا جانا شامل تھا کہ شمالی کوریا فوری طور پر سلامتی کونسل کی متعلقہ قراردادوں کی منافی مزید اقدامات کو روک دے اور ان قراردادوں کے تحت اپنی ذمہ داریوں کو پورا کرے۔اس مجوزہ بیان میں یہ بھی کہا گیا تھا کہ سلامتی کونسل کے ارکان کو اس بات پر تشویش ہے کہ پیانگ یانگ اپنے وسائل کو میزائل اور بم بنانے میں استعمال کر رہا ہے جبکہ اس ملک کے شہریوں کی "بے شمار ضروریات ہیں جو پوری نہیں ہوئی ہیں۔
یہ واضح نہیں کہ روس نے اس بیان کو کیوں روک دیا جو کہ فروری میں سلامتی کونسل کے اس بیان کی طرح ہی ہے جس کی منظوری روس نے دی تھی جس میں (شمالی کوریا کی طرف سے) دیگر میزائل تجربات کی مذمت کی گئی تھی۔تاہم سفارت کاروں کا کہنا ہے کہ ماسکو کو تازہ ترین بیان میں اس بات پر اعتراض تھا کہ جب شمالی کوریا کے مسئلے کے سفارتی حل کی بات کی جا رہی ہے تو (مسودہ سے) "مذاکرات کے ذریعے" کے الفاظ کو کیوں حذف کیا گیا۔امریکہ کے وزیر خارجہ ریکس ٹلرسن آئندہ ہفتے شمالی کوریا سے متعلق ہونے والے سلامتی کونسل کے اجلاس کی صدارت کریں گے۔ اقوام متحدہ کے سیکرٹری جنرل انتونیو گوتریس سلامتی کونسل کے ارکان کو بریفنگ دیں گے۔اقوام متحدہ میں امریکہ کی سفیر نکی ہیلی نے بدھ کو شمالی کوریا کو متنبہ کیا کہ وہ امریکہ کے ساتھ لڑائی مول نا لے۔
 

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...