روس اور سعودی عرب کے درمیان اربوں ڈالرز مالیت کے معاہدے

Source: S.O. News Service | By Shahid Mukhtesar | Published on 7th October 2017, 10:40 AM | خلیجی خبریں | عالمی خبریں |

ماسکو6اکتوبر(ایس او نیوز؍آئی این ایس انڈیا)سعودی عرب کے فرماں روا شاہ سلمان بن عبدالعزیز کے ماسکو کے دورے کے موقع پر دونوں ملکوں کے درمیان اربوں ڈالرز مالیت کے معاہدے طے پائے ہیں۔ان میں روس کے سرکاری سرمایہ کاری فنڈ ( پی آئی ایف) اور سعودی مبادلہ کے درمیان شراکت داری کا ایک سمجھوتا بھی شامل ہے جس کے تحت انفرااسٹرکچر کے شعبے میں سرمایہ کاری کی جائے گی۔سعودی عرب نے روس کے ساتھ دفاعی صنعت کو مقامی بنانے کے لیے مفاہمت کی ایک یادداشت پر دست خط کیے ہیں۔شاہ سلمان نے اس موقع پر کہا کہ سعودی مملکت اور روس کے درمیان مثبت تعاون کے ذریعے عالمی معیشت کو مستحکم بنانے میں مدد ملے گی۔

روس میں العربیہ کے نمائندے ماذن عباس نے بتایا ہے کہ دونوں ملکوں میں ٹیلی مواصلات ، ٹیکنالوجی اور مواصلات کے شعبوں میں تعاون کے فروغ کے لیے بھی سمجھوتے طے پائے ہیں۔سعودی عرب اور روس نے ایک ارب ڈالرز مالیت کے مشترکہ سرمایہ کاری فنڈ کے قیام سے بھی اتفاق کیا ہے۔شاہ سلمان اور روسی صدر نے تیل کے شعبے میں سرمایہ کاری پلیٹ فارم کے قیام کے لیے مفاہمت کی ایک یادداشت پر دست خط کیے ہیں۔اس کے علاوہ انھوں نے ٹیکنالوجی کے شعبے میں سرمایہ کاری پلیٹ فارم کے قیام اور دونوں ملکوں کے درمیان ایک ثقافتی پروگرام پر عمل درآمد کے لیے بھی سمجھوتوں پر بھی دست خط کیے ہیں۔روسی کمپنی سیبور اور سعودی آرامکو کے درمیان ایک سمجھوتا طے پایا ہے۔ روس کی وزارت توانائی نے وزیر الیگزینڈر نوواک کے ایک انٹرویو کے حوالے سے کہا ہے کہ دونوں ملکوں کے درمیان طے پائے ایک ارب دس کروڑ ڈالرز کے اس سمجھوتے کے تحت روسی پیٹرو کیمیکل کمپنی سیبور سعودی عرب میں ایک پلانٹ لگائے گی۔ان دس بڑے سمجھوتوں سے دونوں ممالک کے درمیان اقتصادی ، صنعتی اور تجارتی شعبوں میں تعاون کو فروغ ملے گا۔ سعودی عرب کی جنرل انویسٹمنٹ اتھارٹی نے روس کی چار کمپنیوں کو تعمیراتی شعبے میں مکمل طور پر کام کرنے کے لیے لائسنس جاری کردیے ہیں۔سعودی عرب کے وزیر توانائی خالد الفالح نے دونوں ممالک کے درمیان تیل اور تیل کی مصنوعات کے شعبے میں دوطرفہ تعاون سے متعلق طے پانے والے سمجھوتے کے بارے میں کہا ہے کہ اس سے عالمی معیشت پر مجموعی طور پر مثبت اثرات مرتب ہوں گے۔

ایک نظر اس پر بھی

عاسکر فرنانڈیز کریں گے منکی کو اڈوپٹ ؛ منکی کی بنیادی مسائل حل کرنے اور ترقیاتی کاموں کو انجام دینے اتحاد و ملن پروگرام میں اعلان

منکی کے ساتھ میرا خاص تعلق رہا ہے اور منکی والوں کے ساتھ بھی میرے ہمیشہ سے اچھے تعلقات رہے ہیں، شیرور کو میں نے اڈوپٹ کیا تھا اور اپنے فنڈ سے شیرور میں ترقیاتی کام کئے تھے، اب میں منکی کے بنیادی مسائل حل کرنے اور وہاں ترقیاتی کاموں کو انجام دینے منکی کو اپنے اختیار میں لے رہا ...

ولی عہد دبئی کی جانب سے’فٹ نس چیلنج‘ میں شرکت کی دعوت

متحدہ عرب امارات کی قیادت بڑے بڑے چیلنجز کا خود مقابلہ کرنے کے ساتھ مملکت کے عوام اور امارات میں مقیم شہریوں کو نئے چیلنجز کا مقابلہ کرنے اور انہیں زندگی کے ہرشعبے میں آگے نکلنے کی صلاحیت پیدا کرنے کے لیے کوشاں ہے۔

روہنگیا کے خلاف بدھ بھکشوؤں کا مظاہرہ

اتوار کے روز ہزاروں سخت گیر نظریات کے حامل بدھ بھکشوؤں نے روہنگیا مسلمانوں کے خلاف مظاہرے میں مطالبہ کیا کہ علاقہ چھوڑ کر جانے والے روہنگیا کو قبول نہ کیا جائے۔