معمولی جرائم میں قید مسلم قیدیوں کی رہائی کی کوششیں تیز،آر ٹی آئی کے ذریعہ جمعیۃ علماء نے مختلف جیلوں سے تفصیلات طلب کیں

Source: S.O. News Service | By Shahid Mukhtesar | Published on 12th June 2018, 11:54 AM | ملکی خبریں | ان خبروں کو پڑھنا مت بھولئے |

ممبئی12جون(ایس او نیوزپریس ریلیز)ایک سروے کے مطابق ہندوستان کی مشہور جیلوں میں مسلمانوں کا تناسب ان کی آبادی کے تناسب سے بھی زیادہ ہے اور ا س جانب خصوصی توجہ دینے کی ضرروت ہے ، جیلوں میں مقید مسلمانوں کی ایک بڑی تعداد مبینہ معمولی جرائم انجام دینے کے الزامات کے تحت سزائیں مکمل ہوجانے کے باجود بھی قید ہیں کیونکہ ان کی رہائی کے دستاویزات تیار کرانے کے لیئے ان کے پاس وکلا کو فیس ادا کرنے کے پیسے نہیں ہیں ، اسی طرح قیدیوں کی ایک بڑی تعداد ایسی بھی ہے جنہیں ضمانت پر رہائی مل گئی ہے لیکن ضمانت کی رقم ادا نہ کرنے کی صورت میں انہیں قید و بند کی صعوبتیں برداشت کرنا پڑ رہی ہے ۔ان کے علاہ ایسے بھی مسلم نوجوان جیل کی سلاخوں کے پیچھے مقید ہیں جنہوں نے سزائیں مکمل کرلی ہیں لیکن جرمانے کی رقم ادا نہ کرپانے کے بنا پر وہ ابھی تک مقید ہیں۔

ملک میں دہشت گردی کے الزامات کے تحت مسلم نوجوانوں کے مقدمات کی پیروی کرنے والی تنظیم جمعیۃ علماء مہاراشٹر (ارشد مدنی) نے اس جانب پہل شروع کردی ہے اور پہلے مرحلہ میں مہاراشٹر کی مختلف جیلوں سے بذریعہ حق معلومات قانون ایسے قیدیوں کی تفصیلات طلب کی گئیں ہیں جو معمولی جرائم کرنے کی پاداش میں جیل کی صعوبتیں برداشت کررہے ہیں ۔

اس سلسلہ میں جمعیۃ علماء مہاراشٹر کے وکیل شاہد ندیم نے بتایا کہ سیکریٹری قانونی امداد کمیٹی گلزاراعظمی کی ہدایت پر آج آرتھر روڈ جیل، تلوجہ جیل، بائیکلہ جیل، تھانے جیل اور ناشک سینٹرل جیل کو آر ٹی آئی کے تحت عرضداشتیں روانہ کی گئیں ہیں ۔

ایڈوکیٹ شاہد ندیم نے بتایا کہ آر ٹی آئی کے ذریعہ جیل حکام سے ایسے قیدیوں کی فہرست طلب کی گئیں ہیں جو معمولی جرائم کرنے کی پاداش میں جیل کی سلاخوں کے پیچھے مقید ہیں اور اگر ان کی ضمانت یا جرمانے کی رقم بھر دی جائے تو ان کی جیل سے رہائی ممکن ہے ۔

ایڈوکیٹ شاہد نے بتایا کہ فی الحال ان کا فوکس ایسے قیدیوں پر ہے جو عادی مجرم نہیں ہیں بلکہ کسی وجہ سے پہلا جرم کرنے کی صورت میں وہ جیل میں پہنچا دیئے گئے اور اب وہ کسمپرسی کی حالت میں جیل سے رہائی کی امید لگائے بیٹھے ہیں ۔

انہوں نے کہا کہ حال ہی میں تلوجہ جیل سے انہیں ایسے دس قیدیوں کی فہرست دستیاب ہوئی تھی جو ضمانت کی رقم نہیں بھر پانے کی صورت میں جیل کی چہار دیواری میں مقید تھے ، قیدیوں کی تفصیلات موصول ہونے کے بعد جمعیۃ علماء نے ان کی ضمانت کی رقم بھرنے کا بندوبست کیا اور اس تعلق سے کاغذی کارروائی شروع کردی گئی، قیدیو ں میں دو غیر مسلم قیدی بھی ہیں جن کی ضمانت کی رقم بھرنے کا بیڑا جمعیۃ علماء نے اٹھایا ہے ۔

ایڈوکیٹ شاہد ندیم نے بتایا کہ حالانکہ ان کی اولیت دہشت گردی کے جھوٹے الزامات کے تحت گرفتار ملزمین کی قانونی امداد ہی رہے گی لیکن وقتاً فوقتاً مخیر حضرات کے تعاون سے جمعیۃ علماء نے اس کار خیر کو بھی انجام دینے کا فیصلہ کیا ہے جسکی شروعات جمعیۃ علماء نئی ممبئی کے ذریعہ ایک صاحب خیر کے تعاون سے تلوجہ جیل سے کی جارہی ہے۔

ایک نظر اس پر بھی

سبری مالامیں خواتین کے خلاف پجاریوں کامظاہرہ

دنیا کے مشہور سبری مالا مندر میں خواتین کو بھگوان ایپا کی پوجا کرنے کی اجازت دینے کے سپریم کورٹ کے فیصلے کے خلاف مظاہرہ کا سلسلہ جاری ہے ۔ ان مظاہروں میں اب مندر کے پجاری بھی شامل ہوگئے ہیں۔

این آئی اے کااعتراف ،’’لو‘‘تو ہے لیکن جہاد نہیں کیرلا میں لو جہاد کے معاملوں میں جانچ بند

 کیرلا میں این آئی نے لو جہاد کے معاملوں میں یہ کہتے ہوئے جانچ بند کر دی کہ ان معاملوں میں لو تو ہے لیکن جہاد نہیں ہے۔ این آئی اے کے ایک افسر نے کہا کہ ہندوستان کا آئین تمام شہریوں کو کسی بھی مذہب کو اپنانے اور ماننے کے بنیادی حقوق دیتا ہے۔

امرتسرٹرین حادثہ: وزیرریل نے ختم کیا امریکہ دورہ، وزیراعلیٰ امریندرسنگھ نہیں جائیں گے اسرائیل

پنجاب کے وزیراعلیٰ  کیپٹن امریندر سنگھ نے دشہرہ کے دوران راون دہن کے پروگرام کے وقت ہوئے حادثے کی جانچ کے احکامات دیئے ہیں۔ اس حادثے کو دیکھتے ہوئے انہوں نے اپنا اسرائیل دورہ منسوخ کردیا ہے۔ وہیں وزیرریلوے پیوش گوئل نے بھی اپنے امریکہ دورے کومنسوخ کردیا ہے۔ وزیرریل امریکہ سے ...

حج 2019 : بحری جہاز سے سفر ممکن : مختار عباس نقوی

مرکزی وزیر برائے اقلیتی امور او رحج مختار عباس نقوی نے حج 2019 کا اعلان کرتے ہوئے کہا کہ مذکورہ سیزن میں بحری جہاز سے بھی سفر ممکن ہوگا ۔انہوں نے اس موقع پر حج ہاؤس کے صدر دفتر کی فلک بوس عمارت پر قومی پرچم لہرایا جو کہ زمین سے 350فٹ کی بلندی پر ہے ۔ انہوں نے کہا کہ حج کمیٹی جی ایس ٹی ...

اجودھیا تنازع : عدالت کے باہر اگر کوئی قانون بنے گا تو اس کو مسلمان نہیں کرے گا تسلیم : اقبال انصاری

ناگپور میں آر ایس ایس سربراہ موہن بھاگوت کے جمعرات کو رام مندر کے معاملہ پر دئے گئے بیان پر مختلف فریقوں کا رد عمل سامنے آرہا ہے ۔ جہاں آل انڈیا مسلم پرسنل بورڈ کے رکن مولانا خالد رشید فرنگی محلی نے موہن بھاگوت کے بیان کو سیاسی قرار دیا ہے ،

بیلتھنگڈی: گاڑی میں غیر قانونی دھماکہ خیز مادہ لے جانے والے سے رشوت لینے کے الزام میں 2پولیس اہلکار معطل

پونجلا کٹّے پولیس اسٹیشن سے وابستہ ایک اے ایس آئی لکشمن اور ہیڈکانسٹیبل ابراہیم کو اس الزام کے تحت معطل کردیا گیا ہے کہ انہوں نے غیر قانونی طور پر موٹر بائک میں دھماکہ خیز اشیاء لے جانے والے چنّا سوامی سے 24ستمبر کو رشوت لی تھی۔

اُترکنڑا میں زائد پرائمری ٹیچروں کا تبادلہ؛ اردو اسکولوں کے ساتھ ناانصافی۔نارتھ کینرا مسلم یونائیٹد فورم کو تشویش

محکمہ تعلیمات کی طرف سے پرائمری اسکولوں میں جہاں طلبہ کی تعداد مقررہ معیارسے کم ہے وہاں سے زائد ٹیچروں کا تبادلہ کرنے کی جو پالیسی اپنائی ہے اس پر اپنا ردعمل ظاہر کرتے ہوئے نارتھ کینرا مسلم یونائٹیڈ فورم کے جنرل سکریٹری جناب محسن قاضی نے کہا ہے اس سے اردو اسکولوں کے ساتھ بڑی ...