آر ٹی ای کے تحت داخلوں کا عمل شروع
بنگلورو، 20؍اپریل(ایس او نیوز) حق تعلیم قانون کے تحت اسکولی بچوں کے داخلوں کا عمل شروع ہوچکا ہے۔ ہزاروں کی تعداد میں لوگوں نے اس قانون کے تحت اپنے قریبی اسکولوں میں اپنے بچوں کے داخلوں کے لئے آر ٹی ای درخواستیں دائر کی ہیں، آر ٹی ای ضوابط کے مطابق بلاک ایجوکیشن افسروں کے دفاتر میں اہل بچوں کی درخواستوں کا انتخاب کرلیا گیا ہے اور ان میں سے درخواستوں کا قرعہ کیا جائے گا اور قرعہ میں منتخب بچوں کو کس اسکول میں داخلہ دیا جارہا ہے اس کی اطلاع ایس ایم ایس کے ذریعہ آج رات تک روانہ کردی جائے گی۔ بتایاجاتا ہے کہ ایس ایم ایس روانہ کرنے کے بعد داخلوں کے عمل کو مکمل کرنے تک اور بھی چند دور چلائے جائیں گے۔