گلبرگہ،2؍اکتوبر(ایس او نیوزآئی این ایس انڈیا)راشٹریہ سوئم سنگھ (آر ایس ایس ) کے ارکاننے یکم اکتوبر کو گلبرگہ شہر میں لاٹھیوں کے ساتھ مارچ پاسٹ کیا ۔ آر ایس ایس کارکنان کی یہ پریڈتاریخی قلعہ احتشام گلبرگہ کے علاقہ سے ہوتی ہوئی لوہار گلی ، نہرو گنج، مجگوری، مسلم چوک، ہفت گنبد ،گنیش مندر، سوپر مارکیٹ سے ہوتی ہوئی پھر سے قلعہ گلبرگہ کے احاطہ میں اختتام کو پہنچی۔ ضلعی انتظامیہ اور سپرینٹینڈینٹ آف پولیس مسٹر این ششی کمار کی جانب سے شہر میں پولیس کا سخت بندو بست کیا گیا تھا تاکہ شہر میں امن و امان برقرار رہ سکے ۔مختلف مسلم حلقوں کی جانب سے کہا گیا ہے کہ شہر گلبرگہ کے حساس مسلم علاقوں مسلم چوک، مجگوری اور ہفت گنبد وغیرہ سے آر ایس اایس مارچ پاسٹ کی اجازت نہیں دی جانی چاہئے ۔