بی جے پی کو اقتدار پر لانے کے لئے آر ایس ایس کی طرف سے لاشوں پر سیاست کی جاتی ہے؛ سابق بجرنگ دل لیڈرمہیندر اکمارکا خلاصہ

Source: S.O. News Service | By Shahid Mukhtesar | Published on 4th December 2018, 12:05 PM | ساحلی خبریں | ریاستی خبریں |

منگلورو4؍دسمبر (ایس او نیوز) بجرنگ دل کے سابق لیڈر مہیندر اکمارنے آر ایس ایس پر سیدھا نشانہ سادھتے ہوئے کہا کہ وہ اکثر و بیشتر ہندوؤں کی موت کا سیاسی فائدہ اٹھانے کی کوشش کرتی ہے۔

مہیندرا کمار شانتی کرن باجوڈی میں منعقدہ دوروزہ ادبی فیسٹول ’جان نوڈی‘ کے اختتامی اجلاس سے خطاب کرتے ہوئے آر ایس ایس کو مختلف زاویوں سے آڑے ہاتھوں لیا۔انہوں نے کہا کہ ’’جب شیموگہ میں ایک ہندو نوجوان کا بہیمانہ قتل ہوا تھا تو مجھ سے کہا گیا کہ میں اس قتل کو سیاسی فائدے کے لئے استعمال کروں ۔ میں نے ان کی بات نہیں مانی۔ یہ لوگ بی جے پی کو اقتدار پر لانے کے لئے یہ طریقہ کار اپناتے ہیں۔اوریہی آر ایس ایس کا یک نکاتی پروگرام ہے ۔‘‘

انہوں نے کہا کہ سماجی انتشار اور منافرت کی وجہ سے فائدہ اٹھانے کی تاک میں رہنے والے’’ راشٹریہ سویم سیوک سنگھ کو ہندو لڑکیوں کی آبروریزی سے جتنی خوشی ہوتی ہے ، اتنی خوشی کسی اور کو نہیں ہوسکتی۔کیونکہ کسی مسلم نوجوان کی طرف سے ظلم و زیادتی ہوتی ہے تو اس کا بھرپور فائدہ سنگھ کی طرف سے اٹھایا جاتا ہے۔ 

مہیندرا کمار نے صاف گوئی کا مظاہرہ کرتے ہوئے کہا کہ’’سنگھ پریوار پسماندہ قبائل اور پسماندہ طبقات(ایس سی ؍ایس ٹی) کے نوجوانوں کو اپنے مفادات پورے کرنے کے لئے استعمال کرتا ہے۔ انہیں دوسرے طبقات کے خلاف اکساکر بدامنی کا ماحول پیدا کرتا ہے۔ پھر جب تشدد برپا ہوتا ہے تو سنگھی لیڈر غائب ہوجاتے ہیں، اور پسماندہ طبقات کے نوجوانوں جیلوں میں بند کیے جاتے ہیں۔اس کے بعد اقتدار پر آنے والے بی جے پی کے لیڈر عیش کرتے ہیں ، جبکہ ہندو تنظیموں کے لئے کام کرنے والے بہت سارے رضاکاروں کے خلاف متعدد مقدمات درج ہوجاتے ہیں۔‘‘

سابق بجرنگ دل لیڈر نے اپنی بات جاری رکھتے ہوئے کہا کہ ’’آر ایس ایس ہندودھرم کے اصولوں کے خلاف کام کرتا ہے۔ اس کے پاس ہندو سماج کے مسائل کے لئے کوئی حل نہیں ہے۔ حد یہ ہے کہ جو کوئی دلتوں کے مفاد کے لئے آواز اٹھاتا ہے اسے آر ایس ایس مخالف بتادیا جاتا ہے۔سنگھ نہ ہندوؤں کا حامی ہے اورنہ دلتوں کا۔اس کے نظریات ایک طرح کا نشہ ہے۔ جو اس کا عادی ہوجاتا ہے اس کے لئے اس سے باہر نکلنا مشکل ہوجاتا ہے۔وشوا ہندو پریشد کا مطلب پورا ہندو سماج نہیں ہے ۔ بلکہ ہندو سماج تو اس سے کہیں زیادہ وسیع تر ہے۔‘‘

ایودھیا میں ہوئے دھرم سنسد کے تعلق سے نرموہی اکھاڑا کے بیان کا حوالہ دیتے ہوئے مہیندراکمار نے کہاکہ وہ سیاسی اجلاس تھا۔وزیر اعظم نریندر مودی کی حکومت ہر محاذ پر ناکام ہوگئی ہے۔ ا ن کے ترکش میں کوئی تیر نہیں بچا ہے۔ اس لئے اس وقت عوام کے سامنے انہوں نے ایودھیا میں مندر تعمیر کا مسئلہ اچھال کر رکھ دیا ہے۔

انہوں نے کہا کہ’’ جب میں بجرنگ دل میں تھا تو ترقی پسند سوچ رکھنے والوں کا بڑا مخالف تھا۔مگرجب وہاں پر چل رہے چھوت چھات کی وجہ سے میں وہاں سے باہر نکلا تو میں نے محسوس کیا کہ کسی کے فرقے یا مذہب کی وجہ سے اس شخص کی مخالفت کرنادرحقیقت غداری کرنے جیسا کام ہے۔اس لئے حقیقی ہندوتوا یہی ہے کہ مظلوموں کے حق میں آواز بلند کی جائے۔‘‘

ایک نظر اس پر بھی

بھٹکل  رکن اسمبلی نے ریلوے اسٹیشن سڑک تعمیر کی سنگ بنیاد رکھی

تعلقہ کے مٹھلی گرام پنچایت کوبھٹکل  ریلوے اسٹیشن  سے جوڑنے والی سڑک کی تعمیر کے لئے رکن اسمبلی سنیل نائک نے پوجا پاٹ کے ساتھ سنگ بنیاد رکھا۔ اس موقع پر کرشنانائک، شیوانی شانتارام، چندرہاس، آنند نائک وغیرہ موجود تھے۔

بھٹکل میونسپالٹی کی عام میٹنگ میں نئی مچھلی مارکیٹ کے لئے دوبارہ نیلامی کا فیصلہ : کئی دیگر مسائل پر بھی بحث

بھٹکل میونسپالٹی میں منعقدہ عام میٹنگ میں پرانی اور نئی مچھلی مارکیٹ  کے مچھلی بیوپاریوں کو لےکر کافی بحث ہوئی ، بعد میں  اس بات کا فیصلہ لیا  گیا کہ اگلے دو دن کے اندرنئی مچھلی مارکٹ   کی نیلامی کا اعلامیہ شائع کرتے ہوئے  ایک ہفتہ کے اندر  بولی کی  کارروائی انجام دی جائے۔

منگلورو: زیر سماعت قیدیوں نے ڈسٹرکٹ جیل میں سیکیوریٹی اسٹاف پر کیا حملہ

ڈسٹرکٹ جیل میں زیر سماعت قیدیوں کی طرف سے دو سیکیوریٹی اسٹاف پر حملہ کیے جانے کا حیرت انگیز واقعہ پیش آیا ہے۔ موصولہ رپورٹ کے مطابق قتل کے الزام میں قید مشتاق اور اس کے دیگر ساتھیوں نے مل کر سیکیوریٹی اسٹاف پر حملہ کیا ہے۔

بنگلور میں ائرو انڈیا شو کے دوران پارکنگ احاطہ میں اچانک آگ؛ قابو پانے تک سوسے زائد سواریاں جل کر خاکستر

ائیرو انڈیا شوکے چوتھے دن بنگلور کے یلہنکا ائرفورس اسٹیشن کے پارکنگ والی جگہ پر اچانک آگ لگنے سے  150 سے زائد سواریاں شعلہ پوش ہونے کی اطلاع موصول ہوئی ہے۔ آگ لگنے کی یہ واردات آج سنیچر صبح پیش آئی۔

اکرم پاشاہ ہاسن ضلع کے نئے ڈپٹی کمشنر

ہاسن ضلع کے نئے ڈپٹی کمشنر اکرم پاشاہ آئی اے ایس نے آج عہدہ کا جائزہ لے لیا ۔ 2012ء میں آئی اے ایس افسر کی حیثیت سے ترقی پانے والے اکرم پاشاہ اس سے پہلے ساڑھے پانچ سال مائنارٹی ڈائرکٹوریٹ میں ڈائرکٹرکی حیثیت سے بہترین خدمات انجام دے چکے ہیں ۔

مرکزی ریلوے وزیر پیوش گوئل کی موجودگی میں کمار سوامی نے سب اربن ریلوے کو منظوری دی

وزیر اعلیٰ ایچ ڈی کمار سوامی آج اپنے رہائشی دفتر کرشنا میں مرکزی وزیر برائے ریلوے و کوئلہ پیوش گوئل سے ملاقات کی ریاست میں کوئلہ ( ایندھن)کی فراہمی اور سب اربن ریلوے منصوبہ کے سلسلہ میں تبادلہ خیال کیا ۔

وقف بورڈ انتخابات : اب تک ماڈل بیلیٹ پیپر جاری نہ کرنے پرامیدوار برہم،الیکٹرول میں بوگس ووٹروں کو شامل کرنے کاالزام

کرناٹک اسٹیٹ وقف بورڈ کے 2مارچ کو ہونے والے انتخابات کیلئے ماڈ ل بیلٹ پیپر آج تیار کئے جانے کی اطلاع ملی ہے ، جبکہ یہ ماڈل بیلٹ پیپر 18فروری کو ہی تیار کیا جانا تھا، بروقت ماڈل بیلٹ پیپر نہ ملنے سے بیزار امیدوارانتخابی مہم چلانے دوروں پر نکل چکے ہیں۔

بی بی ایم پی میں چہرہ شناس بائیو میٹرک نظام ضروری گنڈنا کا مطالبہ۔افسران اور ملازمین کی جانب سے لاپروائی کئے جانے کا الزام

رواں سال کے بروہت بنگلورو مہانگر پالیکے( بی بی ایم پی) بجٹ میں کئے گئے اعلان کے مطابق چہرہ پر کھنے والے بائیو میٹرک نظام لازمی طورپر جاری کئے جانے سے ہی بہتر انتظامیہ ممکن ہے۔