آر ایس ایس کی اب کیرالہ پر نظر؛ 2019تک 9لاکھ کارکنوں کو بڑھانے کاہدف
تریونت پورم،20اگست(آئی این ایس انڈیا) راشٹریہ سویم سیوک سنگھ (آر ایس ایس)نے کیرلا میں جارحانہ توسیع مہم چلانے کا فیصلہ کیا ہے، تاکہ وہ سال 2019تک ریاست میں اپنے کارکنوں کی تعداد نو لاکھ تک پہنچا سکے۔آر ایس ایس کے سینئر عہدیدار جے نندکمار نے دعوی کہ آر ایس ایس کارکنوں پر حملوں کے واقعات بڑھتے جارہے ہیں، لیکن ساتھ ہی کہا کہ تنظیم کیرالہ میں پورے معاشرے کی ہمہ جہتی ترقی کے اپنے مشن پر اٹل ہے۔اس کے ساتھ انہوں نے کہا کہ ان حملوں نے ملک اور معاشرے میں اپنے عزم کو مضبوط کیا،اب ہم اپنے کام کو زیادہ جارحانہ طور پر کریں گے، انہوں نے کہا کہ 2019تک، آر ایس ایس کارکنوں کی تعداد نو لاکھ تک پہنچ جائے گی۔
نندکمار نے ساتھ ہی دعوی کیا کہ بایاں محاذ حکومت والی ریاست کیرالہ میں سب سے زیادہ 5000 آر ایس ایس ممبروں کی مورننگ میٹ ریکارڈ کی جارہی ہے انہوں نے کہا کہ میں دیکھ سکتا ہوں کہ ریاست کے نوجوانوں میں ہماری قوم پرست تنظیم کے تئیں جوش ہے۔