بی جے پی لیڈر کی کار سے 1.60لاکھ روپے برآمد

Source: S.O. News Service | Published on 11th January 2017, 10:10 PM | ملکی خبریں |

علی گڑھ، 11جنوری(ایس او نیوز/آئی این ایس انڈیا)ہردواگنج تھانے کی پولیس نے گاڑی کی چیکنگ کے دوران بی جے پی لیڈر کی گاڑی سے ایک لاکھ ساٹھ ہزار روپے برآمد کئے۔لیڈر نے اپنے روپے ہونے سے انکار کیا ہے۔پولیس نے نوٹ ضبط کرکے انکم ٹیکس محکمہ کو اطلاع بھیج دی ہے۔چیکنگ کے دوران علی گڑھ کی جانب سے جاتی ایک گاڑی کو پولیس نے تھانے کے سامنے روکا،کار روکتے ہی ایک شخص بیگ لے کر اترا،گاڑی پر بی جے پی کا ایک اسٹیکر لگا ہوا تھا اور کار بی جے پی لیڈر جے پی راجپوت چلا رہے تھے۔پولیس نے شک ہونے پر بیگ لے کر اترے شخص کو روکا، بیگ کی تلاشی لی،بیگ میں ایک لاکھ ساٹھ ہزار نو سو چھتیس روپے نکلے۔پوچھ گچھ میں بیگ کے مالک راجیو اپادھیائے نے بتایا کہ وہ نگاچ پاڑا اترولی کے رہائشی ہیں اور ان کا پولٹری فارم ہے،وہ پی اے سی علی گڑھ میں واقع لکی کمپاڈ میں رہتے ہیں،گھر سے اترولی بینک میں جمع کرنے کے لئے یہ روپے لے کر نکلے تھے اور وہ پڑوسی دوست بی جے پی لیڈر کی گاڑی میں بیٹھ گئے تھے۔ایس او شمبھو تیواری نے کہا کہ انکم ٹیکس محکمہ کی ہدایت پر ہی آگے کی کارروائی کی جائے گی۔ادھر بی جے پی لیڈر کا کہنا ہے کہ روپیوں سے ان کا کوئی لینا دینا نہیں ہے۔
 

ایک نظر اس پر بھی

میزورم میں اسرائیلی اشتراک کے ساتھ زراعت کے پہلے علاقائی مرکز کا افتتاح 7 مارچ کو

بھارت میں اسرائیل کے سفیر ڈینئل کارمن نے آج یہاں شمال مشرقی خطے کی ترقی کے مرکزی وزیر مملکت ( آزادانہ چارج )وزیر اعظم کے دفتر ، عملے ، عوامی شکایات اور پنشن ، ایٹمی توانائی اور خلاء کے وزیر مملکت ڈاکٹر جتیندر سنگھ سے ملاقات کی۔

کجریوال ایمانداراورمہذب آدمی ہیں،شتروگھن سنہانے گھیرا،نیرومودی کے معاملے کوچھپانے کے لیے چیف سکریٹری تنازعہ کھڑاکیاگیا

بی جے پی کے باغی لیڈر شتروگھن سنہا نے مبینہ طور پر بدھ کو کہا کہ بھگوا پارٹی پنجاب نیشنل بینک گھپلہ سے عوام کی توجہ ہٹانے کے لیے دہلی چیف سکریٹری معاملہ کو طول دے رہی ہے۔

دیوبند میں منایا جارہا ہے’’شریعت ہمارا اعزاز ہے‘‘ ہفتہ؛ اسلامک اکیڈمی کے ڈائرکٹر نے کی سراہنا؛ کہا ، پوری امت کی طرف سے فرض کفایہ

دفاع شریعت کے لئے معہد عائشہ صدیقہ قاسم العلوم للبنات دیوبند کی انتظامیہ اور فاضلات کی جانب سے ہفتہ ’’شریعت ہمارا اعزاز ہے ‘‘ پوری امت کی جانب سے فرض کفایہ ہے ،اور ملت کی خواتین میں شریعت کے حوالے سے بیداری لانے کی ایک عظیم کوشش ہے کیونکہ پچھلے کئی سالوں سے تحفظ حقوق نسواں کے ...