ٹی 20سیریز نہیں کھیلے گے روٹ، اسٹوکس کی واپسی میں تاخیر

Source: S.O. News Service | By Shahid Mukhtesar | Published on 24th January 2018, 12:20 PM | اسپورٹس |

سڈنی ،23؍جنوری(ایس او نیوز؍ آئی این ایس انڈیا)جو روٹ نے آج آسٹریلیا اور نیوزی لینڈ کے خلاف ٹی 20سیریز سے نام واپس لے لیا جبکہ عدالت میں پیشی کی وجہ بین اسٹوکس کی بین الاقوامی کرکٹ میں واپسی میں تاخیر ہو گی۔آسٹریلیا کے خلاف تمام پانچ ایشز میچوں اور پہلے تین ون ڈے میں کھیل چکے ٹیسٹ کپتان روٹ فروری کے آخر میں نیوزی لینڈ میں ون ڈے سیریز کی تیاری کے لئے وطن لوٹیں گئے۔ روٹ نے کہا کہ انہیں میچ چھوڑنا پسند نہیں ہے لیکن انہیں مختصر وقفہ چاہیے تھاابھی تک ان کے متبادل کھلاڑی کا اعلان نہیں کیا گیا ہے۔دوسری طرف اسٹوکس کو 13 فروری کو عدالت میں پیش ہونا ہے اور اسی دن انگلینڈ کی ٹیم نیوزی لینڈ سے پہلا ٹی 20 میچ کھیلے گی۔ستمبر میں ایک نائٹ کلبوں کے باہر تصادم کے بعد اسٹوکس ٹیم سے باہر ہیں اور ایشز سیریز بھی نہیں کھیل سکے تھے۔وہیں بنگلور میں 27 اور 28 جنوری کو آئی پی ایل کیلئے کھلاڑیوں کی نیلامی ہونی ہے اور روٹ اور اسٹوکس ٹاپ کھلاڑیوں میں سے ہوں گے جن پر تمام فرنچائزز کی نظریں رہیں گی۔

ایک نظر اس پر بھی

دبئی کے قریب عجمان میں 16 مارچ سے شروع ہوگا بی پی ایل کرکٹ ٹورنامنٹ؛ کھلاڑیوں کی نیلامی کے دوران انس مُلا سب سے مہنگے کھلاری

بھٹکل پریمیر لیگ کرکٹ ٹورنامنٹ اس بار امین سیف اللہ بی پی ایل 2018 کے نام سے  جانا جائے گا جس کا آغاز16 مارچ سے  عجمان کے ایڈن گارڈن گرائونڈ میں ہوگا، البتہ جمعہ کو اس ٹورنامنٹ کے لئے کھلاڑیوں کی بولی لگائی گئی جس میں انس مُلا سب سے مہنگے کھلاڑی کے طور پر سامنے آئے ہیں۔ ان کے بعد ...