سری لنکا دورے پر ٹیم انڈیا میں تین سلامی بلے باز، روہت شرما اور محمد سمیع کی واپسی

Source: S.O. News Service | By Sheikh Zabih | Published on 11th July 2017, 7:07 PM | اسپورٹس |

ممبئی،،10؍جولائی (ایس او نیوز/آئی این ایس انڈیا )رواں ماہ کے آخر میں شروع ہو رہے سری لنکا کے دورے کے لیے اتوار کو ہندوستا ن کی ٹیسٹ ٹیم کا اعلان کر دیا گیاہے۔اسٹار بلے باز روہت شرما اور تیز گیند باز محمد سمیع کو ٹیسٹ ٹیم میں واپس بلا لیا گیا ہے۔انڈین ٹیم 26؍جولائی سے 6 ؍ستمبر کے درمیان سری لنکا کے دورے پر رہے گی۔اسی سال فروری میں آسٹریلیا کے خلاف چار میچوں کی ٹیسٹ سیریز سے باہر رکھے گئے روہت اور سمیع سری لنکا دورے پر مڈل آرڈر کے بلے باز کرون نائر اور آل راؤنڈر جینت یادو کی جگہ لیں گے۔ہاردک پانڈیا کو بھی ون ڈے میچوں میں اچھی کارکردگی کا انعام ملا ہے اور ایم ایس کے پرساد کی قیادت والی سلیکشن کمیٹی نے آل راؤنڈر کے طور پر ان کو ٹیم میں برقراررکھا ہے۔

انہیں گزشتہ سال نومبر میں انگلینڈ کے خلاف بھی ٹیم میں لیا گیا تھا ،لیکن دائیں کندھے میں چوٹ لگنے کی وجہ سے وہ بعد میں ٹیم سے ہٹ گئے تھے۔پیٹھ میں درد کی وجہ سے گزشتہ کچھ وقت سے باہر چل رہے سلامی بلے باز کے ایل راہل کی بھی واپسی ہوئی ہے اور وہ مرلی وجے کے ساتھ اننگ کا آغاز کریں گے۔سلیکٹرو ں نے حالانکہ شیکھر دھون کو نظر انداز کیا ہے، جنہوں نے چمپئنز ٹرافی اور ویسٹ انڈیز کے دورے میں کچھ اچھی اننگ کھیلی تھی۔تمل ناڈو کے ابھینومکند کو تیسرے سلامی بلے باز کے طور پر برقرار رکھا گیا ہے۔

مکند کو جنوبی افریقہ کے دورے کے لیے ہندوستان کی اے ٹیم میں بھی منتخب کیا گیا ہے لیکن اب ان کا اس میں کھیلنا مشکوک ہے، کیونکہ سری لنکا میں ٹیسٹ سیریز 26؍جولائی سے 16؍اگست تک جاری رہے گی، جبکہ جنوبی افریقہ کے خلاف ہندوستان اے کا چار روزہ میچ 12؍اگست سے شروع ہوگا۔وراٹ کوہلی کی قیادت میں ہندوستانی ٹیم اس دورے پر سری لنکا کے خلاف تین ٹیسٹ میچ، پانچ بین الاقوامی ایک روزہ میچ اور ایک بین الاقوامی ٹی- 20میچ کھیلے گی۔پہلا ٹیسٹ میچ گالے میں، دوسرا کولمبو میں اور تیسرا ٹیسٹ کینڈی میں کھیلا جائے گا۔

ایک نظر اس پر بھی

بھٹکل کا دِیاب کھروری دبئی کی سی بی ایس ای نیشنل فٹ بال ٹیم میں منتخب؛ نیشنل چمپن شپ میں حصہ لینے انڈیا روانہ

بھٹکل کے نوجوان جہاں دبئی اور گلف ممالک میں تعلیم کے میدان میں بازی ماررہے ہیں تو وہیں کھیل کے مقابلوں میں بھی بہترین پرفارمینس پیش کرتے ہوئے نہ صرف بھٹکل، بلکہ پورے ملک کا نام روشن کررہے ہیں۔ ان ہی میں سے ایک بھٹکل مسلم جماعت کے سابق جنرل سکریٹری جناب رحمت اللہ راہی کا فرزند ...

بھٹکل رویل ٹیم کا کھلاڑی کرناٹک اسٹیٹ کبڈی ٹیم کے لئے منتخب؛ 4 نومبر کو جھارکھنڈ میں کھیلے گا پہلا میچ

بھٹکل کے اسپورٹس شائقین کے لئے بڑی خوش خبری یہ ہے کہ بالاخر بھٹکل کا ایک کھلاڑی کافی عرصہ بعد کرناٹک اسٹیٹ انڈر 16 کبڈی ٹیم کے لئے منتخب ہوگیا ہے۔ بھٹکل رویل اسپورٹس سینٹر کا کھلاڑی صیام رکن الدین شیکھرے اُن 300 کھلاڑیوں میں سے منتخب ہوا ہے جو بنگلور میں منعقدہ کھلاڑیوں کے سلیکشن ...