راہل کے بیان کو واڈرا کی حمایت، کہا 11 بار ای ڈی آفس گیا، سچ سامنے آئے گا

Source: S.O. News Service | By Shahid Mukhtesar | Published on 15th March 2019, 9:03 PM | ملکی خبریں |

نئی دہلی، 15 مارچ(ایس او نیوز؍آئی این ایس انڈیا) منی لانڈرنگ اور لینڈ ڈیل معاملے میں بار بار ایجنسیوں کے سامنے پیش ہو رہے کانگریس جنرل سکریٹری پرینکا گاندھی واڈرا کے شوہر رابرٹ واڈرا نے جمعہ صبح ایک طویل فیس بک پوسٹ لکھا۔اس پوسٹ میں انہوں نے کانگریس صدر راہل گاندھی کے بیان کی حمایت کی اور کہا کہ وہ ابھی تک 11 بارای ڈی کے سامنے پیش ہو چکے ہیں جس میں مسلسل 8۔10 گھنٹے تک ان سے پوچھ گچھ ہوئی تھی۔رابرٹ واڈرا نے لکھا کہ وہ گزشتہ پانچ سال سے مسلسل ایجنسیوں کے نوٹس حاصل کر رہے ہیں، انہوں نے یہ بھی کہا کہ وہ مسلسل کورٹ آرڈر اور سماعت کا احترام بھی کرتے ہیں،وہ مسلسل ہر سوال کا جواب بھی دے رہے ہیں۔

رابرٹ نے لکھا کہ ان کی طرف سے یا پھر ان کی کمپنی کی طرف سے کسی بھی قسم کی کوئی غلط کام نہیں کیا گیا ہے، بی جے پی کی حکومت جو بھی الزام ان پر لگا رہی ہے وہ مکمل طور پر بے بنیاد ہے۔انہوں نے مودی حکومت پر جانچ ایجنسیوں کا غلط استعمال کرنے کا الزام بھی لگایا۔رابرٹ واڈرا نے اپنے فیس بک پوسٹ میں لکھا کہ مودی حکومت کے کام کاج کرنے میں ناکام ہوئی ہے، تو مجھے پریشان کر رہی ہے،میں اس بات سے متفق ہوں کہ قانون سب پر لاگو ہونا چاہئے، اسی سے سچ سامنے آئے گا۔واڈرا نے اپنے اس پوسٹ کے ساتھ راہل گاندھی کا کیرالہ والی ویڈیو بھی شیئر کیا ہے۔

دراصل اپنے کیرلہ دورے کے دوران کانگریس صدر راہل گاندھی نے خواتین سے براہ راست بات چیت کی تھی، اسی دوران ایک لڑکی نے ان سے بدعنوانی کو لے کر سوال پوچھا تھا، جس میں انہوں نے رابرٹ واڈرا کا بھی نام لیا تھا۔اسی کے جواب میں راہل گاندھی نے لکھا تھا کہ قانون سب پر یکساں طور پر لاگو ہونا چاہئے۔راہل نے کہا تھا کہ آپ (حکومت) رابرٹ واڈراکی جانچ کریں، آپ کو کوئی نہیں روک رہا ہے لیکن جس رافیل سودے میں ملک کے وزیر اعظم نریندر مودی کا نام ہے اور ان پر الزام ہے کہ انہوں نے کسی شخص کو فائدہ پہنچانے کے لئے الگ سے ڈیل کی ہے تو ان کی بھی جانچ ہونی چاہئے۔

ایک نظر اس پر بھی

دہشت گرد ہر مذہب میں ہیں: کمل ہاسن

تنازعات میں گھرے اداکار لیڈر کمل ہاسن نے جمعہ کو کہا کہ ہر مذہب میں دہشت گرد ہوتے ہیں اور کوئی بھی اپنے مذہب کوبہترین ہونے کا دعویٰ نہیں کر سکتا۔

بی جے پی کو280 سے زیادہ سیٹیں ملیں گی، این ڈی اے کی سیٹیں 300 سے متجاوز ہوں گی: پی مرلیدھر راؤ

بی جے پی لیڈر رام مادھو کے تخمینے کو مسترد کرتے ہوئے پارٹی کے سینئر لیڈر پی مرلیدھر راؤ نے کہا کہ بھگوا پارٹی کو 280 سے زیادہ سیٹیں ملیں گی جبکہ این ڈی اے کے سیٹوں کی تعداد 300 کے پار ہوں گی۔

مالیگاؤں 2008بم دھماکہ معاملہ: اے ٹی ایس کی عدالت سے غیر حاضری کے معاملے میں عدالت کا دخل دینے سے انکار

مالیگاؤں 2008 بم دھماکہ متاثرین جانب سے خصوصی این آئی اے عدالت میں داخل عرضداشت جس میں اس معاملے کی سب سے پہلے تفتیش کرنے والی تفتیشی ایجنسی ATSکی عدالت سے غیرحاضری پر سوال اٹھایا گیا تھا کو عدالت نے یہ کہتے ہوئے خارج کردیا کہ اے ٹی ایس کو پابند کرنا اس کے دائرہ اختیار میں نہیں ہے ...

لوک سبھا انتخابات 2019: بہار میں 1 لاکھ سے زیادہ ووٹوں سے جیتنے والوں کا بھی اس بار ٹکٹ کٹ گیا

بہارمیں 19 مئی کو ہونے والے آخری مرحلے کی پولنگ میں نالندہ، پٹنہ صاحب، پاٹلی پتر، آرا، بکسر، سہسرام، ککاراکٹ،جہان آباد کی سیٹوں پر ووٹ ڈالے جائیں گے۔ اس بار بہار میں ایک نئے طرح کے اعداد و شمار دیکھنے کو مل رہا ہے۔