مرکیرہ میں ڈکیت گرفتار
مرکیرہ:19/اپریل(ایس او نیوز) پولیس نے کشال نگر میں ڈکیتی انجام دینے کا منصوبہ تیار کرتے ہوئے اسے انجام دینے کی کوشش کرنے والے 5افراد کو گرفتار کرلیا۔پولیس نے ان کے پاس سے 8.11لاکھ روپے کا مسروقہ سونا ' نقرئی زیورات کے علاوہ کالی مرچ ضبط کی۔ میڈیاسے بات کرتے ہوئے کوڈگو کے ایس پی راجندرپرساد نے کہا کہ گرفتار افراد کی شناخت سنجے کمار ' پی کے روی ' اے اسمٰعیل تمام ساکن سوموار پیٹ گاندھی نگر ' چوڈلو گاوں کے رہنے والے سی ایس سودیوا اور ہناگلو گاو ں کے این سی چندرا کے طور پر کی گئی ہے۔پولیس نے ان کے قبضہ سے رہزنی میں استعمال ہلاکت خیز ہتھیار ضبط کئے۔ تفتیش پر پتہ چلا کہ سنجے کمار منادر میں چوری کی 12وارداتوں ' مکانات میں چوری ' گاڑیوں کی چوری کے معاملات میں ملوث ہونے کے علاوہ دیگر فوجداری معاملات کا سامنا کررہا ہے۔
