سڑک رابطہ قومی ترقی کے لیے کلیدی: نائب صدر جمہوریہ
نئی دہلی :12/ اگست (ایس او نیوز/آئی این ایس انڈیا)نائب صدر جمہوریہ ایم وینکیا نائیڈو نے کہا ہے کہ قومی ترقی کے لیے سڑک رابطہ کلیدی ہے۔ انہوں نے کہا کہ اس میں دیہی ہندوستان کے دور دراز علاقوں میں رہنے والے لوگوں کی زندگی میں مثبت تبدیلی لانے کی صلاحیت ہوتی ہے۔ نائب صدر جمہوریہ آج گجرات کے بھاؤنگر میں قومی شاہراہ 150 751 کے ادھیلائی 150ناری سیکشن کے چار لائنوں کے سنگ بنیاد کی تقریب کے دوران ایک اجتماع سے خطاب کر رہے تھے۔ گجرات کے گورنر جناب او پی کوہلی، گجرات کے وزیر اعلی جناب وجے روپانی، گجرات کے نائب وزیر اعلی جناب نتن بھائی پٹیل، روڈ ٹرانسپورٹ اور شاہراہوں کے وزیر مملکت جناب من سکھ ایل منڈاویا اور دیگر شخصیات بھی اس موقع پر موجود تھیں۔نائب صدر جمہوریہ نے کہا کہ بنیادی ڈھانچے کی ترقی ملک کی ترقی کی واحد شرط ہی نہیں ہے بلکہ ترقی کی کسوٹی بھی ہے۔ یہ سماجی صلاحیت اور تحفظ کو یقینی بناتا ہے۔نائب صدر جمہوریہ نے کہا کہ سڑک رابطہ دیہی و شہری خلیج کو دور کرنے کا ایک لازمی اور اہم جزء ہے۔ انہوں نے انتظامیہ سے کہا کہ وہ دیہی سڑکوں کو یکساں ترجیح دیں۔ یہ ہماری ملک کی مجموعی ترقی کے بہت اہم ہیں۔انہوں نے کہا کہ قومی شاہراہ ملکی کی سماجی و اقتصادی اور تجارتی اکائی کی علامت ہوتی ہیں۔سڑک حادثوں پر تشویش کا اظہار کرتے ہوئے نائب صدر جمہوریہ نے کہا کہ روڈ سیفٹی بہت اہمیت دی جانی چاہیے اور ناگہانی صورتحال میں فوری امداد فراہم کرنے کے لیے شاہراہوں کے قریب ایمبولینس اور فرسٹ ایڈ مراکز جیسے طبی ڈھانچے کے قیام کی اپیل کی۔نائب صدر جمہوریہ نے نوجوانوں سے اپیل کی کہ وہ ترقی کے عمل میں سرگرم شراکت کریں۔ انہوں نے نوجوانوں کو مناسب امداد، بنیادی ڈھانچے فراہم کرنے پر بھی زور دیا تاکہ انہیں اپنی صلاحیتوں کا احساس ہو۔ انہوں نے کہا کہ یہ ضروری ہے کہ ملک کی پالیسی نوجوانوں کی خواہشات کی عکاسی کرے۔ اس موقع پر نائب صدر جمہوریہ نے من سکھ ایل منڈاویا کے ذریعہ ترتیب دیے گئے پارلیمنٹ پوچھے گئے سوالوں پر مبنی‘‘ پارلیمنٹ تک میرا سفر ’’کے موضوع پر ایک کتاب کا اجراء بھی کیا۔