بہارمیں آرجے ڈی 20سیٹوں اورکانگریس 9پر
پٹنہ،23؍مارچ (ایس او نیوز؍ یو این آئی ) بہار میں راشٹریہ جنتادل کے زیر قیادت مہا گٹھ بندھن نے آج ریاست کی سبھی چالیس لوک سبھا سیٹوں کی شناخت کرنے کے ساتھ ہی پہلے مرحلے کے امیدواروں کی فہرست بھی جاری کر دی ۔ آر جے ڈی کے قومی ترجمان اور راجیہ سبھا ایم پی منوج جھا اور ریاستی صدر رام چندر پوربے نے یہاں مہا گٹھ بندھن کی حلیف جماعتوں کے لیڈروں کی موجودگی میں سیٹوں کی تقسیم کا اعلان کیا اور ساتھ ہی پہلے مرحلے کی فہرست بھی جاری کی ۔ مسٹر جھا اور مسٹر پوربے نے بتایاکہ حلیف جماعتوں کے مابین سیٹوں کی تقسیم کے تحت آر جے ڈی کو20، کانگریس کو9 راشٹریہ لوک سمتا پارٹی ( آر ایل ایس پی ) کو پانچ ، ہندوستانی عوام مورچہ ( ایچ اے ایم ) کو تین اور ویکاس شیل انسان پارٹی ( وی آئی پی ) کو تین جبکہ کمیونسٹ پارٹی آف انڈیا ( سی پی آئی ایم ایل ) کو آرجے ڈی کے کوٹے سے ایک سیٹ دی گئی ہے ۔