28اگست کوچکبالاپور میں ضلع ڈپٹی کمشنر دفتر کے روبرو کسانوں کی تنظیم کا احتجاج
چنتامنی،23؍اگست(سید اسلم پاشاہ؍ایس او نیوز)بینکوں سے کسانوں کوسارا قرضہ معاف کرنے کا مطالبہ کرتے ہوئے کرناٹکا راجیہ رعیت سنگھا و ہسیرو سینا کے کارکنان اگست 28کو چکبالاپور ضلع کے ڈپٹی کمشنر دفتر کے روبرو زبردست احتجاج کریں گے یہ بات کرناٹکا راجیہ رعیت سنگھا کے تعلقہ صدر سیکل رامنا ریڈی نے بتائی۔آج یہاں کے پترکرترا بھون میں منعقد آخباری کانفرنس میں خطاب کرتے ہوئے انہوں نے کہا کہ مرکزی حکومت بڑے بڑے کارپوریٹ کمپنیوں سے رابطہ رکھ کر کسانوں کے قرض کو معاف کرنے میں پیچھے ہٹ رہی ہے کسانوں کے ساتھ اس ملک کے وزیر اعظم سوتیلا سلوک کررہے ہیں ان کی جھوٹی تقریروں سے ملک کے کسان ناراض ہوچکے ہیں جبکہ مودی سرکار سے ملک کے کسان بہت ہی بیزار ہے ۔
اس موقع پر کرناٹکا راجیہ رعیت سنگھا کے کافیکارکنان موجود تھے
