مرکزی حکومت آئینی ایجنسیوں کا غلط استعمال کررہی ہے،ڈی کے شیوکمار کو گرفتار کرنابی جے پی کو بہت مہنگا پڑے گا: ڈی کے سریش

Source: S.O. News Service | By Shahid Mukhtesar | Published on 9th September 2018, 11:42 AM | ریاستی خبریں |

بنگلورو،9؍ستمبر(ایس او نیوز) مرکزی حکومت کے محکمۂ انکم ٹیکس اور انفورسمنٹ ڈائرکٹوریٹ کی طرف سے ریاستی وزیر ڈی کے شیوکمار اور ان کے افراد خانہ کو گرفتار کئے جانے کی کوششوں کا الزام لگاتے ہوئے رکن پارلیمان اور ڈی کے شیوکمار کے بھائی ڈی کے سریش نے کہا ہے کہ مرکزی ایجنسیوں کی ان حرکتوں کے خلاف وہ وزیراعظم مودی سے مل کر احتجاج درج کرانے پر غور کررہے ہیں۔

آج ایک اخباری کانفرنس سے خطاب کرتے ہوئے انہوں نے کہا کہ بی جے پی قائدین نے مرکزی ایجنسیوں کو اپنی پارٹی کی محاذی تنظیمیں سمجھ بیٹھی ہے، ان ایجنسیوں کے اعلیٰ افسروں کو غلاموں کی طرح استعمال کیاجارہاہے۔ ریاست کی کانگریس جے ڈی ایس مخلوط حکومت کو گراکر کسی بھی طرح اقتدار پر قبضے کے لئے بی جے پی نچلی سطح پر اتر آئی ہے۔

انہوں نے کہاکہ ڈی کے شیوکمار یا ان کے خاندان کا کوئی فرد مرکزی حکومت کی ان حرکتوں سے خوفزدہ ہونے والا نہیں ہے۔ بی جے پی اگر سیاست کرناجانتی ہے تو ڈی کے شیوکمار کا خاندان بھی سنیاسی نہیں ہے، انہیں بھی سیاست آتی ہے۔ انفورسمنٹ ڈائرکٹوریٹ یا سی بی آئی کا استعمال کرکے بی جے پی سمجھتی ہے کہ وہ ہمیں ڈرارہی ہے تو یہ بی جے پی کی خام خیالی ہے۔

انہوں نے کہاکہ ڈی کے شیوکمار اور ان کے اقرباء کے گھروں پر انکم ٹیکس ، انفورسمنٹ ڈائرکٹوریٹ اور دیگر ایجنسیوں کے چھاپوں کو ایک سال کا عرصہ گزر چکاہے، اس سلسلے میں ایجنسیوں نے چار فرضی مقدمے دائر کئے ہیں لیکن ایک مقدمے کو بھی ثابت نہیں کرپائیں۔ اس صورتحال کو دیکھتے ہوئے بی جے پی قائدین کو خوف ہے کہ دوبارہ اگر ڈی کے شیوکمار مضبوط ہوگئے تو ریاست میں بی جے پی کی جڑوں کو کمزور کرکے رکھ دیں گے۔

سریش نے کہاکہ بی جے پی جتنے چاہے حربے آزمالے، اب بی جے پی کو سر اٹھانے کا موقع ہرگز نہیں دیا جائے گا۔ سریش نے کہاکہ ریاست کی مخلوط حکومت کو غیر مستحکم کرنے کے لئے ہر طرح کے طریقے آزمانے کے بعد جب بی جے پی کو ناکامی ہاتھ لگی تو اب وہ ایسی حرکتیں کرنے پر اتر آئی ہے کہ ڈی کے شیوکمار کو کسی بھی طرح سلاخوں کے پیچھے کریں۔

انہوں نے سابق وزیراعلیٰ اور ریاستی بی جے پی صدر بی ایس یڈیورپا کی طرف سے انفورسمنٹ ڈائرکٹوریٹ کے اعلیٰ افسروں کو مکتوب روانہ کیا ہے جس میں کہاگیا ہے کہ جتنی جلد ہوسکے ڈی کے شیوکمار کو گرفتار کرلیا جائے۔

ڈی کے سریش نے کہاہے کہ یڈیورپا جانتے ہیں کہ لوک سبھا انتخابات کے قریب اگر ڈی کے شیوکمار کو گرفتار نہ کیا گیاتو کرناٹک میں بی جے پی کا بوریہ بستر لپٹنا پڑ سکتاہے۔سریش نے کہاکہ کرناٹک میں بی جے پی کو حکومت بنانے کے لئے مزید دس اراکین اسمبلی درکار ہیں، جبکہ کانگریس جے ڈی ایس اتحاد کے پاس فی الوقت 118 اراکین اسمبلی کی حمایت حاصل ہے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔